啟德疑現美女黨 孭名牌袋專搵1類人呃錢 正義街坊追擊大快人心

啟德疑現美女黨 正義街坊猛烈追擊

樓主在Facebook群組「啟德居民自由講」以「小心此人周街問人攞錢！」為題發佈影片，他和女伴一路追擊1名背著名牌袋的白衫女子，質疑她以「借錢」之名行騙。片中見到，二人一路跟著該名女子，樓主質問她「靚女，你係咪好等錢使？成日問人攞錢嘅」，惟女子未有答覆，保持沉默繼續前行，樓主女伴追問「見你周街問啲阿叔攞錢！」；該女子聽後馬上掩面向前跑，二人隨即追上前並大聲指責「你遮面無用㗎，遮埋隻眼，笠住個頭，笠埋隻眼啦，乞衣！」，女子仍保持沉默快步向前跑。在追逐期間，男伴每遇到途經路人就會大叫揭露女子行為「你係咪好等錢使啊！」、「喂啊！我請你食飯啊！」、「呢個女人，成日問人攞錢啊！周街問人攞錢！」、「佢周街問人攞錢，呃人錢，鍾意問啲阿叔攞錢啊！」

此時女子終於忍無可忍，用普通話大聲問「你倆幹嘛？煩不煩！」，指自己聽不懂樓主的話，樓主隨即大罵她「聽不懂？呃人錢，周街問人攞錢！」，並表示要帶她到警署報案。女子聽後突然蹲在地上，向二人求饒道：「我求求你們，別拍了！行不行？」，沉默片刻後突然拔腿就跑，最終向遠處逃去。

樓主最後提醒街坊「希望大家放狗、跑步、散步⋯⋯嘅街坊朋友，遇到這種事情都發聲，起碼比啲騙徒知道唔好嚟呢區搵食。」

馬上睇片

街坊：等佢以後唔敢來搵食

影片發佈後，隨即引起網民熱烈討論，不少人稱讚樓主整義勇爲「等佢以後唔敢來搵食」、「師兄全程無扯蝦，犀利」、「有手有腳、眉清目秀、做埋啲咁嘅嘢、好好搵份工啦」、「街坊好勁」、「辛苦樓主兩位，追左佢咁耐」、「大家下次見到一定要拍片，一齊怒斥佢！唔好放過啲打扮化妝穿名牌的乞衣！」、「做得好，杜絕呢啲XX」、「如果大家都好似片主咁，一定X咗呢啲大陸人周圍行騙！」、「辛苦樓主兩位，追左佢咁耐。 佢係D呀叔面前扮可憐，順便釣下有冇老襯」、「樓主做得好，最好報警處理埋佢，唔好俾呢啲人咁放肆，最重要大家都唔好俾錢縱容佢地」