大埔街頭現「上門啜腳趾」街招　1小時收$50令人超好奇　街坊揭真實「玩法」

大埔驚現特殊服務街招　24小時上門啜腳趾

每人都會有一些特殊癖好，有時要找到志同道合的朋友亦是一件難事。早前，有大埔街坊就在社交平台發文，貼出一張明目張膽提供特殊服務的街招。只見白底黑字的街招上，寫上「上門啜腳趾24小時服務」，更明碼實價列明「每小時$50」。街招的下方設有供人撕走的電話號碼以便聯絡，而聯絡人姓名則寫上「周生」，可見周生對啜腳趾絕對有一定的要求及學問。

網民1點突破盲腸：究竟邊個負責啜？

這張特殊服務街招引起網民廣泛熱議，不過，有網民就質疑周生的指引不清晰，只因他僅寫上「上門啜腳趾24小時服務」，並未有寫明提供服務或接受服務的對象，因此有網民不解究竟「每小時$50」是「周生上門幫人啜腳趾」的收費，還是「搵人上門幫周生啜腳趾」的薪金。

網民提議主動致電　重口味服務原來唔係第一次？

有見大批網民對這張街招十分好奇，有人就提議不如主動致電周生，一探啜腳趾後的真相，又笑稱「「啜又好，被啜又好，啜成個鐘先50？」、「啜5分鐘腳趾都皺啦」，更揚言周生的服務收費「抵到爛」、「睇得出佢對呢行好大抱負」。

不過，有網民就指這類重口味服務原來並非第一次出現，坦言「間唔中都會見到呢啲廣告」，「上一次好似係林生，電話號碼都唔同」。而有人指呢D手段通常都是「追數公司追數玩法」，奉勸大家勿「多事打電話」，以免助長風氣。