商場延長營業時間有望搞活夜市？ 網民提2大絕招更有用 多人讚好認同
政府有意延長商場營業時間 網民即笑爆：「商場照開舖照關」係咩玩法？
至通關後，不少香港商家期待本港經濟能重新復燃，回復以前光景，惟事與願違，有不少商家大吐苦水指「冷清得可怕」，一到晚上8時街上已幾乎無人。而政府近日大推「搞活搞旺香港夜市」的想法，不少人隨即提出意見，而最新消息指財政司副司長黃偉綸帶頭制訂推動夜市方案，當局初步有意與發展商討論有關延長商場營業時間至晚上10時至11時的做法，業界不用擔心會出現「與餐廳爭生意」的情況，希望晚上能夠吸引更多人流，讓市民和企業皆雙贏。對於政府的方案，稻苗飲食專業學會榮譽會長黃傑龍在接受電台節目訪問中表示，希望措施能點燃「核反應堆」，帶起連鎖反應，並指「而家係有商戶話無人流先提早關門，而市民就認為街上無店舖開門所以提早回家」，認為措施或可阻止「提早熄燈」的趨勢。
網民：你估夜更請人好易咩？
不少港人聽到消息後紛紛湧出留言表達意見，指「而家無人出去消費係因為覺得香港D嘢貴啊，你搞清楚個市況未啊」、「巴士、地鐵又無延長，你話加密班次都仲有得玩，一陣你夜市開到12點幾1點，食得嚟玩得嚟都無尾班車」、「商場係可以延長開放時間啊，但係裏面啲舖頭照舊收工時間」、「又會有好多工時長勞資問題產生，仲要有人肯做咁長時間， 或者要請人輪班。仲要有人肯做，你估夜更請人好易咩」、「要明白D餐廳未必有足夠人手，同埋又要比多咗電費水費但未必有客」、「玩到夜，可否要求公司遲D返工呢？又要人健康，但而家又叫人夜瞓」、「其實背後個意思係覺得，啲人日間係唔想消費，夜晚9點10點11點就好想出來消費。還是啲人錢太多，日間唔夠時間消費，夜啲時間長啲有更足夠時間消費？唔係好明」。
網民提2大方法獲多人認同：第一步要商家合作！
不過除了一片反對聲音外，有更多網民提出2大相同意見，指「第一步一定係減租先啦係咪啊？而家D人話消費貴，香港消費貴不嬲都係因為舖租問題，你一日貴租一日唔減價，D人咪繼續去第二度消費囉」。對此意見，贏得的掌聲比延長商場時間更多，惟有人指「D商家點會肯減，佢地係最賺錢唔使輸嗰個，你估個個都咁大愛為咗救你個夜市咩」、「講到尾，只要人流多就算冇生意，業主都可以大條道理死唔減租」；第二：「實行英國工作時間」，意即「日頭休息，夜晚工作」，網民指「最簡單最快捷，香港人最鍾意返工，用呢個方法一定逼到佢哋出門，夜市即刻旺」。
