港男舉報濫用公屋戶 高調大曬篤灰信：我會企出嚟做二五仔 反惹網民鬧爆

做「二五仔」舉報濫用公屋戶

該名網民在Facebook群組「香港公營房屋討論區」以「政府非常好，我會企出嚟做二五仔，收到獎金再同大家講」為題發帖並附上一張照片，當中見到是一封房署的信件，內容明確寫明：「本署已於2025年4月1日對你濫用公屋之舉報紀錄在案。若閣下的舉報能成功向濫用公屋單位的租戶發出『遷出通知書』，你將會被通知領取獎金及感謝狀。」信件意味著樓主已經舉報了某個濫用公屋戶，目前正處於調查階段，若然成功舉報就會獲得$3,000獎勵及感謝狀。

網民反應兩極 有人支持有人批評

支持樓主舉報

有不少網民都支持樓主做法，認為舉報濫用公屋戶實屬合情合理：「如濫用，真係要舉報」、「支持篤灰舉報濫用公屋，我篤唔少，冇一個成功」、「到時等睇開箱文」、「舉報成功買返支金筆留念一下」、「期待你的下文」、「舉報X街人人有責，濫用社會資源」。

批評樓主做「二五仔」

不過亦有部份網民批評樓主：「做二五仔冇好下場」、「房署出錢，你出命」、「依家『督灰』都變成一種事業」、「乞衣都不如」、「為左3千，去到幾盡」、「經濟唔好！唔係點賺快錢」

相關文章：「舉報濫用公屋獎」將於下周三正式實施 即睇3大舉報人準則+5種舉報方式

相關文章：內地妻離婚1原因被趕離愛巢 2大罪證揭港丈夫濫用公屋