內地00後搵真銀新招！來港上門大掃除 每呎收$X 服務內容公開

內地00後來港搵真銀 拓展大掃除業務

不時都會聽到人表示年尾大掃除令大家非常頭痕，不過為了送舊迎新，再辛苦都只能頂硬上。日前，有內地00後就睇準香港市場需要，特意推出跨境上門大掃除服務，由一群內地後生仔來港為有需要人士大掃除，而相關宣傳更成為小紅書及各大社交平台的熱門搜尋之一。

上門打掃僅收X元一呎 3人上門狂抹11小時

據悉，推出這個服務的公司早前要派人到「元朗名城」一個單位進行打掃，以該單位66平方米計算，當日大掃除費用合共3960元（未有指明人民幣或港幣），計落一呎的收費不用$6，價錢貌似十分相宜。而在他們公布的影片中，可見當日大掃除動用3名清潔員，一共上門打掃了11小時。

疑貴香港4倍 網民：派小鮮肉上門就收貴啲

雖然每呎不用$6的金額看似好抵，但有網民就表示香港的家務助理收費約一小時「百幾蚊」，「抹足10個鐘都係千幾蚊」，認為上述公司即使動用3名員工，但「抹一日要4千蚊太貴」。亦有網民笑稱其實並非完全為「大掃除」，「換個角度，4千蚊有3個小鮮肉上門」、「即時覺得抵晒」。