內地女趕住北上衝出馬路攔截巴士　大叫1句被網民狂嘲：咁夠膽扮坦克車事件

內地女不忿巴士滿客開車　衝出馬路肉身擋九巴

近日一段影片在網上各大群組瘋傳，21秒的影片中可見一名身穿黑色連衣裙的內地女衝出落馬洲(新田) 公共運輸交匯處對開馬路中央，用肉身擋著往落馬洲站的B1巴士，不讓其駛走。從影片中可見她攔住巴士的位置，正是巴士站附近，而巴士上亦可見上滿客的情況。當她擋在路中間時，亦大叫一句「你叫後面退後D啦」，有指因巴士當時滿客，準備「飛站」而令她不滿，便走到路上以肉身擋車。當時街上有不少人拍片，在鏡頭背後對攔路女的行為不停指罵，斥攔路女「阻住巴士，一陣又要報警」，而亦有伯伯大鬧攔路女「嘩，你咁樣攔住巴士咁仆X嘅」。

網民：滿晒客埋唔到站，等下架囉

不少網民看到影片後紛指「真係癲雞」，指不願等巴士應改搭的士，更指「你嗰個位新田交匯處，最尾嗰幾個站，慳番啖氣坐皇巴士算數啦」、「咁就要阻住成條馬路，野蠻生番」、「要塞滿到好似印度火車咁先叫文明？要講文明，巴士下層企位數量寫明得幾十個，試下巴士佬話夠數唔畀你上，睇下你有幾文明？」、「就嚟搭巴士都要考牌」、「嘩，同胞你落嚟特登上演坦克車一幕得唔得㗎，驚你出事咋」。

有好心市民再次提醒返大家，若有需要，大家只需於巴士站遞手示意即可，不用走出馬路大字型截停巴士，若因九巴B1線滿座而未能上車，大家亦可行到對面落馬洲過境巴士站乘搭皇巴，兩個站其實非常相近，直接前往皇崗口岸。