新何太回應前夫身分 聞亡妻激動「梗係活人話事！ 」何伯對細女發最後通牒

何伯夫婦有意變賣元配遺物打官司

最近，「新何太」的粉絲在社交平台上貼出了已故元配何太的遺物照片，並有人表示這些應該歸「新何太」所有。這一言論再次引發了網民的激烈反應和批評。在直播中，何伯與「新何太」堅持向細女追回亡妻首飾， 又稱：

「如果第日冇錢就攞嚟賣返出嚟之後用。」

期間有人質疑二人是否還有能力聘請律師打官司，「新何太」則回應說：

「我哋冇錢請律師，申請法援幫助我哋。」

新何太聞元配激動：問乜嘢亡妻呀？梗係活人話事

在直播過程中，「新何太」對於網民提出的「亡妻」（何伯元配）的問題顯得非常激動，她反駁說：

「問乜嘢亡妻，你哋真係好搞笑，梗係喺世間嘅活人話事喇，問乜嘢亡妻呀？唔好咁『齆塞』好冇呀！清醒一啲，理智客觀啲！講法律㗎嘛！」

何伯爆出細女全名 向她發最後通牒

直播中， 夫婦二人怒火中燒，「新何太」更全程直斥細女「最可恥」：「你戶口得4200蚊，同個大陸婆相依為命，佢想佢老竇活唔成，黑唔黑心呀！」

此外，何伯在直播中對女兒的行為感到非常氣憤，並威脅要在法庭上見面解決問題。何伯更在直播中爆出細女全名，又指會尋求法援幫忙：

「依家我細女何XX攞咗我，我希望佢遇番畀我，等我開開心心過埋下半世，我幾廿歲，求到佢一定幫手，有好嘅律師，梗係幫我哋啲正值嘅人。我會放長條線畀足時間我細女，如果逼到我最後我會同佢喺法庭見，法庭一見盜竊咗我啲錢，佢就要坐監。佢冇問過我冇通知過我，就等於偷我啲錢走，佢唔認我呢個老竇，我就唔認我呢個女。」

新何太激動談前夫身份

近日，有傳言稱「新何太」的前夫可能是曾經參加《東張西望》的苦主「余伯」。對此，「新何太」在直播中激動澄清：「我個前夫不是你哋所講的余伯，我都說過外面瘋言瘋語，都不是真的，你們不用再猜度。」

新何太18歲兒子無意回內地

其後，有網民詢問「新何太」兒子是否在香港讀書，她馬上承認：「係呀，我囝囝一直喺香港讀書，佢唔返大陸㗎，我囝囝唔鍾意返大陸，以前細個會跟，而家大個咗佢係唔會跟我返大陸。」