港女質疑乘車交友App「CarBa」收律師信 發言人召記招反指網民：KK園騙子
港女質疑乘車交友App「CarBa」遭發律師信
有港女上月在Threads上引用一位疑似「CarBa」用戶的帖文，提醒各位有意使用「CarBa」的女性要小心，「免費嘅嘢係最貴」，又指「車咗你去邊都唔知」，其後又再留言區補充批評「CarBa」的自我介紹「個網寫啲嘢完全唔合邏輯 妖言惑眾」。事隔數日後該港女發文表示，收到黃淑雲律師行代表CarBa所發的律師信，指「CarBa」公司因其言論而蒙受損失，要求她將有關帖文在48小時內移除，否則會追討有關賠償。不過，相關帖文至今仍未刪除。
CarBa召開記者會聲稱絕對安全
「CarBa」發言人余仲康於上周五（11日）召開記者會，針對網民們的疑慮而一一作出解釋。余仲康表示，其平台要求所有用戶用電話號碼登記及使用頭像認證，又指平台使用美國公司Amazon的生物認證系統來核實用戶身份，確保「頭像唔會係假」，而且用戶可以把實時位置發送給朋友兼報警，「市面上用車約會嘅情況都會出現，但出嚟去咗邊、上咗邊個架車、嗰個人係邊個，完全係無跡可尋，CarBa係令香港人用APP嘅危險降低」。儘管如此，面對記者多番質問，余仲康也承認無法確保約會人和認證者是同一人，僅稱「正常人唔會用其他人嘅樣玩交友APP」、「出到嚟見到唔同樣都會走」，更聲稱的士可能更危險。
CarBa不要求車主提交第三者保險證明
針對駕車一方的真實性備受質疑，余仲康強調負責接載的會員必需上載駕駛執照及車牌號碼，以確保駕車一方具有合法駕車的資格；惟「CarBa」未有要求駕車一方上載第三方保險證明，對此余仲康未有作出回應，僅表示不幸發生意外而發現車主未有購買相關保險，會即時報警及封鎖涉事帳號。根據《汽車保險（第三者風險）條例》規定，任何人在香港路上使用汽車，都需為汽車購買第三者責任保險，承保因意外導致的第三者人身傷亡及財物損毀，例如乘客、行人或其他車輛使用者，否則即屬違法。
反指港女是KK園騙子
余仲康透露，「CarBa」當時選擇發出律師信是由於涉事「女網民」曾就相關帖文向他們投訴，又在留言區中以「乞衣」、「攞綜援坐乜嘢超跑，你瞓醒未」等字眼攻擊「CarBa」用戶，他強調「我哋要為我哋嘅會員發聲」。余仲康認為該名「女網民」別有用心，反指她可能是「KK園」騙子、其他交友配對服務公司、網約車司機或中介公司等，「一班網民無啦啦行出嚟，咁關心香港女仔，點解？目的係佢哋要賺你嘅錢，維護佢哋嘅利益」，及後又表示使用CarBa是「聰明又自主嘅選擇」，「你坐10次Uber，就畀Uber賺10次錢，點解唔聰明咁用一個平台，換多張機票同屋企人去旅行，唔係仲好咩？」對於會否向該「女網民」採取進一步法律行動，余仲康指目前仍向法律團隊諮詢。
