有片︱揸車疑遇「美女黨」求坐順風車 眼利網民揭1細節喻小心「新騙局」

疑似騙局現場細節揭露

該名市民在Facebook群組「車cam L（香港群組）」發佈影片，事發於2024年12月21日下午約3點，車主揸車駛至九龍城衙前圍道及南角道交界時，有2名陌生女子突然急步從行人路走近，其中1名綠衣女子手持著一袋外賣。該2名女子以流利廣東話向車主打招呼「你好啊先生」，車主遂降下車窗與她們對話，其中1名女子表示「唔好意思！我哋有啲趕時間，可唔可以車我去荔枝角啊」，另一人就稱「啱啱做完嘢收工，趕時間。」

當車主意識到二人想坐「順風車」，就以同樣理由婉拒「我依家都好趕時間喎」，但二人未有罷休，更向車主施展「嗲功」以略帶嬌嗲的聲線請求幫忙，惟車主多次堅拒，結果2名女子最終放棄，離開現場。影片接近尾聲時見到，行人路上有3名男子逐漸走近車主，但2名女子就向他們搖頭擺手表示「被拒載」，此時車主前方汽車開出，樓主亦隨之離開，影片到此結束。

馬上睇片

網民勸喻小心「新騙局」

車主就在帖文中強調「我唔係的士」同時笑言「我知我靚仔，你兩條女都唔好用趕時間做藉口吖，我都趕時間㗎」，有網民就替車主感到緊張「大癲囉！」、「呢個位呢排有堆人，成日想痴免費車」、「趕時間唔坐的士？」、「你仲較低車窗傾，唔驚佢噴你迷煙咩」、「同情心害死自己」、「2個變5個，點知佢哋想點」、「最大機會上咗之後畀人挾持又或者屈司機非禮吖，然後勒索」、「可能係新騙局，大家小心」、「繼請食飯黨之後，有搲車坐黨」。

另外，有網民留意到片中3名男子一直注視着車主的動向，並指「師兄，後面有3條友等緊你」、「件事唔簡單，後面3個佬跟到實」、「跟尾嗰3個男人，離遠觀察，以為可以上車先快步過嚟」，擔心如果車主同意接載2名女子，該3名男士就會跟隨上車，而樓主也認同「可能」會有這種結果出現。