大叔攜1.4米熨衫板登九巴被拒 揚言報警指罵司機「唔好搞事」

大叔攜熨衫板 被拒登巴士

該名網民表示，當日在荃灣福滿大廈站候車，當巴士235號抵達時有名白衫大叔試圖攜帶熨衫板上車，但隨即被司機拒絕登車。大叔對此表示不滿，並堅持要求司機出示相關條例「拎條例出黎講點解唔畀佢上車」，甚至威脅要報警。司機隨後解釋，熨衫板長度超出限制，而由於車內擠滿乘客，擔心熨衫板或會造成意外，故拒絕登車。

該名網民在留言區透露，大叔拿著的熨衫板幾乎如他一樣高，至少都有1.4米長，並表示「其實當時架車係爆人，同輪椅位亦都有人，司機亦都有建議過佢去下1架車，只係乘客好緊持要上車，亦叫車長拎條例出黎講點解唔畀佢上車，司機有提及車上乘客較多，佢個熨衫板有可能會誤傷到乘客，所以唔建議佢上車」。

網民批評大叔自私又不合理

該名網民續指，爭執期間其他乘客都對大叔的行為感到不滿，紛紛對他進行「圍攻」，「俾成車人鬧」，甚至後來有名後生仔勸喻大叔收聲，結果反被大叔罵「唔好搞事」。

影片公開後引起熱烈討論，不少人都批評大叔的行為自私且不合理：「真係好cheap」、「當巴士係貨車？成架車個設計：坐位窄，通道窄，邊有位放？」；然而，亦有部分網民認為如果大叔攜帶熨衫板未有超出巴士規定的大小，就有權乘車：「一個起碼1.6m嘅成年人站立車上就可以而一塊1.4~1.5m嘅熨衫板直立車上就會影響人實屬荒謬」、「熨衫板高極都應該不會超過兩米，無理由超高限制。」。

《公共巴士服務規例》咁樣講

根據《公共巴士服務規例》，乘客在乘坐公共巴士時，不得攜帶超過規定重量和體積的物品。規定明確指出，乘客可攜帶的物品總重不得超過5公斤，總體積不得超過0.1立方米。違反這一規定的乘客，可能會面臨高達5,000元的罰款和最多六個月的監禁。