有片丨大媽團登九巴因1事被拒 揚言報警辱罵站長：傻嘅都可以返工？
九巴站長與大媽激烈對峙
該網民以「九巴員工展示香港好客之道！」為題發佈影片，影片中可見，一名九巴站長與一位大媽乘客因巴士未能即時開出而發生口角。大媽乘客激動地表示「我哋係消費者！你部車唔行，唔行你就報警！」，而站長則大聲回應「消費者大晒啊？」，並強調自己提高聲量並非在罵人，「你聽唔到我咪大聲囉！我叫鬧你啊而家？」。
大媽乘客甚至惱羞成怒「人身攻擊」站長：「傻㗎？傻嘅都可以喺度返工啊？」站長聽後亦按耐不住情緒，情緒激動地說：你話聽唔到我咪大聲講嘢囉！我而家問妳，係唔係要報警？」雙方持續爭執期間，一名男途人參與其中勸交，對大媽乘客的言論表示嘲諷「部車唔行你就報警啊？唔好笑啦」。
據悉，事發當日下午約3點，多名攜帶行李的乘客在元朗B1路線站等候登車。但由於巴士內沒有足夠空間放置行李，站長建議該團乘客等待下一班車離開；惟一行人不願意等待，隨後站長就表示不合作就不開車，結果引發了雙方爭執，最終該團乘客選擇乘坐下一班車離開。
撳入去睇片：https://www.facebook.com/reel/1673557149864673
網民反應兩極
影片發佈後引起網民熱烈，不少人對大媽乘客的行為表示不滿，認為她的行為過於離譜，紛紛留言批評：「消費者大X哂咩？」、「西客」、「潑婦罵街」、「你估旅遊巴咩，旅遊巴下面就有行李位」；另有不少網民支持站長的做法：「站長做得好」、「車長做得啱」、「巴士當旅巴是不能接受的，司機做得正確」。
但亦有部分網民認為九巴站長應避免與乘客發生爭執，指出「EQ低就除咗件公司衫再嘈啦」、「炒得」、「站長唔係解決問題係製造問題？」。
