迪士尼衣著｜女生著短裙去樂園被港男怒轟：玩機動遊戲畀人睇蝕晒

迪士尼衣著｜港男炮轟女友著短裙去樂園玩機動遊戲「畀人睇蝕晒」

該位男網民在討論區發文，以「真係唔明點解女人去主題樂園玩都要著短裙？」展開討論，樓主表示女友平時很少會著短裙，但到主題樂園便一反常態，每次去玩都要著短裙。樓主認為去主題樂園玩例必會玩過山車等機動遊戲，而穿短裙很容易走光，樓主稱女友穿超短迷你裙又要玩機動遊戲，容易走光畀人睇蝕晒，他指由於擔心女友走光故每次都會帶定外套給女友遮擋，帖文一出卻有不少人指樓主是「怪獸男友」，有網民指「唔明點解有人會理人地著咩衫去樂園」。

網民斥樣樣都管似足「怪獸男友」

帖文一出引起不少討論，有部分網民批評樓主樣樣都要管似足「怪獸男友」，有人認為「著左打底褲就唔怕走光」、「呢啲天氣唔著短裙唔通長褲加羽絨咩」、有網友表示機動遊戲的座位安全帶和安全壓桿緊扣，稱「箍到實點會走光」，更有人笑稱「應該著晒成套太空裝去嘛」，「咁驚就鎖住佢係屋企」。

網民力撐港女：打卡先係重點！

另外，有大批網友表示女生去主題樂園的首要任務便是影相打卡，玩機動遊戲不是重點，紛紛留言稱「機動遊戲可以唔玩，影靚相打卡不能唔影」、「去主題樂園影相打卡先係重點！你估真係同你去玩咩」、「打卡影完相就走架啦 仲同你玩機動遊戲？」，並力撐短裙女友「因為要開心先去樂園，去到要影相著靚啲，佢覺得著短裙靚有自信，有打底冇問題」。

香港迪士尼樂園衣著服飾要求：

根據香港迪士尼樂園的官方網站，入園時的服裝不應該有以下特徵：

• 妨礙他人，或含有攻擊性或暴力
• 過長以至拖行地面
• 包含鋒利或尖銳的物體，或可能會意外抓傷其他賓客的物料
• 含有任何武器，或類似或容易被誤認為是武器的物件

資料來源：香港討論區