港媽請攝影師去迪士尼影全家福 嫌對方唔幫手清場兼排隊 4大罪狀威脅賠償
廣告
很多家長都會趁小朋友放假，又或者是放假時帶小朋友去迪士尼樂園玩。為了留下美好的回憶，有些家庭更會選擇聘請攝影師一同前往，拍攝一家人玩樂的情況。近日，有港媽卻在私訊攝影師作出「4大投訴」，其無理對話旋即被截圖並放上討論區。逾百網民看到其「偉論」後直指「佢嘅要求多過國際巨星喎」、「係咪騙案嚟，咁長篇大論」！
港媽請攝影師入迪士尼樂園跟拍 事後力數多宗罪：你又無助手又無將我美白！
港媽早前聘請了攝影師一同到迪士尼跟拍，卻不滿意攝影師的表現。她指出對方沒有清場，照片「背景太多人影響我哋嘅全家福質素」，更指出對方身為一個攝影師「有義務要搵助手幫手阻擋其他遊客，咁樣張相先會最靚」。港媽又指出拍攝當日「好熱，我啲皮膚你冇幫我後期執一執，冇將我美白」令她感到不滿。
港媽控訴冇排隊、購物冇折 令人非常失望
港媽又指責攝影師竟然沒有幫她排隊，稱「遊樂設施嗰度你應該要搵一個人幫手排隊，冇理由剩係得旋轉木馬嘅相，過山車啲相都要有，喺餐廳啲相呢，係影得幾靚，但係冇人幫我哋排隊攞位，啲相影得幾靚都冇用」，最後，港媽更指對方居然不能提供折扣，「我以為你係攝影師喺迪士尼樂園可以買嘢有折，原來你冇㗎，令到我好失望！」對方的表現令港媽非常失望。
港媽提出解決方法：任影3個鐘頭
港媽訴說完自己的不滿後，亦為對方提供了解決方法，要求對方賠償任影 3 小時！「不如咁啦，你唔想我投訴你，我幫你諗咗一個方法你做賠償，俾我哋家族任影三個鐘頭，迪士尼食飯嗰啲我俾，請埋你助手，但係自己要自費買迪士尼入場券」，港媽更表示如不答應，會放到網上公諸於世，以及投訴到迪士尼，「如果你唔應承嘅，我就會擺你上網，我去迪士尼投訴你！你諗諗啦！ 」
網民：佢嘅要求多過國際巨星喎
網民紛紛覺得港媽的要求非常無理，直指「佢嘅要求多過國際巨星喎」、「點解攝影師要幫佢排隊？佢係咪熱到傻X咗？」、「佢應該包起個樂園任佢影囉」、「乜料呀，全世界圍住佢轉好唔好？」、「我真係而家先知原來喺迪士尼影相係會包埋排隊」、「過山車果度要有相，我真係笑咗！點影呀？要個攝影師爬上軌道捕住影？？駛唔駛包坐頭排？或者包車咁先唔會有人頭遮住佢？」另外，疑似當日其他攝影師分享，指當日為「NGO幫受助家庭影相，攝影師得$500津貼」，為義務攝影師身份，一星期要交40-50張執好的相，沒想到要如此受氣。
圖片來源：TVB《親親我好媽》截圖、TVB《愛·回家之開心速遞》截圖zc1Facebook@香港迪士尼樂園 | Hong Kong Disneyland
