港男炮轟澳門3宗罪：以後都唔L會再去 反遭網民嘲笑「只係你唔識玩」

港男炮轟澳門3宗罪 揚言：以後都唔L會再去

日前有位男網民以「去咗轉澳門，以後都唔L會再去」為題，力數澳門3宗罪！

1)呃錢

樓主表示去到景點區食物價錢太貴，當他用港紙付款時對方卻用澳門幣找錢，令他大感不滿。而樓主走入某商場，因為口渴想買飲品時，但他指場內只有喜茶及麥當勞，直言「m記仲要賣成$7x/8x 一個餐！」認為貴得離譜。

2)好多人

樓主又表示澳門周圍都係人，直言「逼到仆街」。

3)交通唔方便

另外樓主認為澳門的交通非常不方便，稱「搭巴士又係逼，啲班次勁X疏」，又指等車人士搭車無排隊，指「有車嚟就成班喪屍咁擁上去，見好多人都頂唔順走咗去搭黑的。」

帖文慘遭網民一面倒嘲笑「只係你唔識玩」

帖文一出，引起大批網友熱議，不過留言幾乎一面倒教訓樓主，認為他小題大做，不少人都表示旅遊區物價較貴及人多擠逼是正常，反問他「有咩旅遊區唔呃錢?有咩旅遊區唔多人?」，並稱「嫌貴俾唔起錢就過主」，對於找錢收到葡幣，有網友直言「人哋收你港紙之後要幫你轉返澳門幣唔洗手續費嘅？你唔順氣就唱L定錢再去人到玩囉，人哋明買明賣」。

（圖片來源：min foto@unsplash）

不少人認為只是樓主「唔識玩，稱「師兄去埋啲遊客區梗係遊客價啦，你去吓啲民生區近街市嘅地方食飯價錢都好大眾化，喺街市燒臘檔口買燒腩仔廿蚊都斬俾你，搭巴士去買返張澳門通平到嘔呀！去啲賭場飲飲食食梗係貴啦！」

資料來源：連登討論區