港人激讚深圳勁多靚商場玩上癮 炮轟澳門「無咩玩」： 寧願留錢返大陸旅行

網民激讚深圳勁多靚商場玩上癮

日前有網民以「澳門玩仲差過深圳」為題在連登討論區發文，他表示深圳勁多靚商場，又舉例深圳早，年新開的大型綜合商場福田COCO PARK、卓越INTOWN，表示有超多美食。另外，樓主直指「澳門環境仲衰過大陸⋯⋯有一半個島都係工地」，更指澳門勁多中國人，但東西質素比內地更為差，稱好後悔去澳門玩， 寧願留錢返大陸旅行，帖文引起大批網友討論。

深圳3點完勝澳門：酒店貴服務差已無吸引力

1.深圳吃喝玩樂選擇多

自從深圳多了大型商場，令港人愈來愈喜愛北上消費，不時都有網友推介往深圳半日遊，指吃喝玩樂選擇多，有網友稱「大劇院附近好多商廈，普遍地鐵站、商場、街道好乾淨，唔知係咪疫情大洗地，同幾年前印象中嘅深圳高級咗」。

2. 深圳地點方便過澳門

亦有人表示住得近關口，返深圳近過出港島區，稱「經香園圍口岸過關又便又冇咁多人，太多嘢食想試」、更大讚深圳「又近又方便又好玩」、「會上癮， 深圳真係好吸引」。

3. 澳門只得返「賭場」一個吸引位

早年，唔少港人喜歡過澳門賭場「玩番兩手」，而且澳門不時有新酒店落成，吸引港人去兩日一夜旅行，不過近年深圳興建了多個大型商場，店鋪有特式而且美食選擇多，吸引了大批人轉到深圳旅遊消費。更有人狠批澳門「無咩玩」，稱「如果唔係賭，佢真係無乜嘢玩，自從佢啲食店又貴，酒店又貴，食店及的士服務又差，已無乜吸引力。」