港男力數深圳CP值低：景點殘舊＋掃街質素差！只有一樣嘢係抵玩

港男狠批深圳景點殘舊 疑惑除咗揼骨仲有咩抵玩過香港？

自從兩地通關，港人周末放假時到深圳吃喝玩樂的情況又變回常態！不過最近有網民卻在連登討論區，以「其實深圳除咗揼骨 有咩係CP值高過香港？」為題，問網友究竟深圳有咩好玩。

1.北上配眼鏡價錢貴過香港？

樓主先分享他的體驗，由於有唔少人推介北上深圳配眼鏡，樓主起初以為北上配眼鏡性價比高，但他對比價錢後，發現香港更抵買！他稱自己選的是高度數鏡片，如果在香港選日本、德國的大牌子，配抗藍光、抗UV功能的眼鏡，香港要$1,600左右，但「大陸配強國鏡片竟然要$2,300，仲要人仔」，價錢比香港更貴。

2.掃街質素差 CP值低

自通關後，有唔少人都喜歡選擇到深圳覓食，認為美食多價錢又平，但樓主卻不認同，他指「掃街質素唔高，食香料多過食串燒，肉唔知係咩肉」直呼CP值低！樓主雖然認為三百蚊以上可吃到有質素的美食邊爐或燒烤，但他指在香港吃同樣的食物要$400左右，兌換銀紙後只平少許。

3.景點殘舊 新商場與香港相似

另外，樓主認為「深圳境點又舊，商場新但同香港一樣，好多名店但都係貴過香港」，他認為在深圳揼骨$300送過夜，價錢可以接受，但除按摩外卻想不到北上深圳玩樂的吸引力。

網民力撐：物價低！

不過有唔少人認為深圳的物價普遍較香港為低，甚至有唔少港人反購深圳的網紅食物帶回香港，例如木屋燒烤、椰子雞等，雖然是跨境買外賣，但這些網民都表示價格便宜而且食物高質，另外更有港媽掀起「深圳買餸熱潮」，大讚大陸菜價實在太便宜。