易通行被網民轟3大罪狀！5.21擴展至城門隧道仍測不到車輛貼！

易通行被網民轟3大罪狀！5.21擴展至城門隧道仍測不到車輛貼！

「易通行」不停車繳費服務，本月7日先在青沙管制區，包括尖山隧道、沙田嶺隧道及大圍隧道率先實施，而城門隧道自5月21日上午5時起實施「易通行」，不過有唔少車主試用後都分享「中伏」經歷！

易通行錯誤 1.
錯誤徵收隧道費 離奇帳單1分鐘來回九龍沙田

該車主於5月10日，早上大概12時56分，從九龍往石門，途經青沙管制區，然而到達石門時卻驚見電話程式的系統，顯示他於12時56分往沙田，但12時57分已折返九龍，即1分鐘來回隧道一次。該車主對收費紀錄感到不可思義，稱「「到底我架車係咪識得飛？」故撥打「易通行」熱線查詢，然而職員以「冇見過咁嘅情況」作回覆，事主稱該職員態度不太好，並批評他未有解答問題，只強調「唔清楚，你等下先。」，事主問如14天未有人回覆是否會被罰錢，該職員稱「咁你都有差唔多3個星期啦」，令事主感到超無奈。

而日前運輸署署長羅淑佩亦於訪問時向此事解釋並致歉：「這個的確是人為錯誤，他們做人手核對時，核對無誤，將車牌號碼輸入系統，但那位輸入的同事可能分心後，輸入了兩次。」

易通行錯誤2.
影子車牌 車主無辜被扣費8次

除了有車主收到離奇帳單，甚至有車主遇影子車牌（即掛上其他車牌行駛），苦主在未有外出情況下遭扣費8次，除被收取隧道費，更先後收到4張告票，當中涉及超速駕駛、衝紅燈等。令該名車主最終選擇花逾千元換新車牌。

易通行錯誤3.
3%至5%車輛仍偵測不到「車輛貼」

「易通行」實施以來問題多多，運輸署數據顯示，有3%至5%車輛偵測不到「車輛貼」，運輸署說如果車輛長期出現此的情況，會考慮邀請車主驗車。不過有唔少網民轟這情況是反智，留言稱「「弱智，咩年代仲要貼貼紙。」、「你設計垃圾就叫人驗車？而家係你個垃圾貼廢呀嘛，再唔係就係你個sensor廢，關部車X事咩」。

網民：仲慘過以前

另有駕駛者提醒，使用「易通行」時必須小心檢查系統收費是否正確，「而家真係要打醒十二分精神，去睇呢個系統有無亂收錢，仲慘過以前要睇清楚有無找少錢。以前只係過隧道畀錢嗰下要小心，而家廿四小時都要小心」。亦有車主表示同樣遇到「易通行」中伏經歷，稱「我直頭收信話我超速，但我從未行過尖山，跟住打去問要求睇相，轉頭覆我話搞錯咗，唔使理」。