迪士尼小小世界發生意外！ 2歲BB跌落水阿媽竟睇唔到 網民：係咪鬼揞眼！
廣告
踏入暑假，相信很多大人都會帶小朋友去各大主題樂園遊玩，當中迪士尼是其中一個非常受大人小朋友歡迎的景點，入園後大人要花很多精神照顧小朋友，未必有太多心思遊玩。近日，香港迪士尼卻發生了罕見的意外，有小朋友竟然在小小世界跌落水，而家長當時的一個行為更令網民直斥「真係唔識做人啊媽！」
香港迪士尼發生意外 小朋友於小小世界跌落水
近日，有網民在Facebook群組「我真係好鍾意迪士尼資訊分享群」中，分享有小朋友在小小世界發生意外一事。他指出「有個小朋友突然企起身，家長掛住玩電話同影相，郁下郁下個小朋友就跌咗落水」，而小朋友跌落水後家長仍只顧玩電話而沒有留意小朋友。拍攝者指出「其實小小世界已經係行得好慢好安全嘅機動，竟然都跌落水，明明坐定定一定冇事，覺得係家長未有好好睇實個小朋友」，認為是家長沒有盡好責任。
所有乘客被迫離開 網民直指超無奈
拍攝者分享當小朋友跌落水後，「即刻停哂船，其他玩緊既乘客都被迫離開了」，感覺非常無奈。有不少網民留言表態「被迫走嘅人真無奈」。有網民追問「但左右兩邊咁窄究極點解跌」，拍攝者再補充「個小朋友好細，應該2-3歲小bb黎，睇落本身喺平地企同行都搖搖下，加埋船上再搖兩搖，就跌落去」，並形容「小朋友本身都企唔穩，仲放佢係最側邊位，可能想俾小朋友睇到最近距離」，網民認為「俾小朋友坐最出，唔抵可憐」、「係咪鬼掩眼！」，認為家長要負全責。
網民直斥：啲家長都好冇責任心
網民對於該家長的行為，紛紛直斥對方很有問題，「成日都有細路企起身，開晒咪人家個媽都係唔理」、「我成日見D小朋友一係企起身，一係就臨到終點唔知點解伸個頭出去，出到爭D撞埋幾條圍欄柱，不過D家長都唔理，分分鐘跌落去仲會話係迪士尼唔啱！」不過，也有網民認為「難得可以行晒成個小小世界，都係一個難得嘅體驗！」、「但係可以in show exit對其他人嚟講都唔係一件壞事嚟嘅，呢啲係畀錢都買唔到嘅experience」。
圖片來源：Facebook@我真係好鍾意迪士尼資訊分享群、東京迪士尼樂園網站、TVB《BB來了》截圖
