連登仔發問：「車展啲車點擺入商場？」 網民集思廣益求答案！｜玩樂熱話

網民討論：「車展啲車點擺入商場？」

最近有網民在連登討論區發文，「話說有日囡囡問我，其實商場車展啲車係點入商場？我就同佢講係前一晚即時搵人砌出黎嘅，好彩佢信咗」，更詢問一眾網民，到式用甚麼方法可以將咁大架車駛入商場。

做過商場車展網民爆料

有做過幾年商場車展的網民爆料，表示全部車都會在前一晚通宵駛入商場，會有專用的車𨋢或暗門將車擺入商場，「有啲商場有車𨋢，有啲直接用隱閉嘅門入」、「有暗門，平時你地唔會見到，因為隱藏得好好睇，萬一真係無，通常啲玻璃門都可以拆得開，係嗰度入」。

商場有路線讓車有足夠空間駛入商場

有網民更指出不同商場都有路線，讓車有足夠空間可以駛入商場，「以前Aeon荔枝角店開張時，有個電動車做宣傳，係拆玻璃門駛架車入去，你細心留意下啲商場，會有一條路線係夠車過」，「大埔超級城以前真係拆玻璃先駛入去，依家醒，換咗大玻璃自動趟門，其實大商場例如又一城、海港城，地庫都會有條汽車生產線，係果度組裝搞掂就直接坐電梯上去，商場有貨𨋢，打開個後欄闊過西隧」。

連登仔：長頸鹿點放入雪櫃商場版

不過有網民搞笑指所有車都會好像變型金剛一樣，「一般都係漏夜變形行入去」、「架車會變形再自己捐入去商場囉咁簡單」、「長頸鹿點放入雪櫃商場版」、「商場入面有個傳送門」、「先拆散部車，逐件逐件運入去，之後再砌返好部車，信我」。