港女$180淘寶買周大福珍珠耳環驚揭是假貨！網民反笑事主：冇錢唔好買啦！

港女$180淘寶購入周大福耳環　網民反嘲：咁少錢想買到真貨？

最近事主於Facebook群組「淘寶開心share」分享一次淘寶買到假貨的經驗。事主指自己在淘寶花了159元人民幣（大約180港元），購買一對聲稱是周大福出品的18K金珍珠耳環。

相片中見到淘寶的18K金珍珠耳環外附一個印上周大福品牌的耳環盒，而紙袋亦有相似的紅色包裝，更有來自「中圳國檢珠寶檢測中心」的合格鑒定證書，而收據也列明耳環原價為588元人民幣（約670港元）。

不過，當收到貨後，事主就發現耳環竟然是假珍珠，於是她即時向淘寶網站的客服直接表明要求退款，結果不用5分鐘店家就全數退回，偽真的貨品亦很快下架。事主雖然覺得店方效率高，但仍然引來不少網民冷嘲熱諷。

好多網民得知事件之後都嘲諷事主，「點解你會覺得呢個價可以買到真嘢」、「一睇就知假啦」、「百幾蚊買到18K金，咁你都信真」。不解對方為何覺得可以在淘寶買到「真貨」。

部分人表示，如果想買真的為何不去專門店？更指「點解唔喺香港買？」、「明明成件事好X，但po上嚟話畀人聽自己好醒」、「你應該拎去香港周大福驗真身」。