港人怒批台灣夜市好鬼難食＋環境差！網民同意：葵廣、旺中仲好食

香港網民吐槽台灣夜市好鬼難食 環境似廟街食物係葵廣旺中Level？

該名網民稱台灣夜市的食物只是香港葵廣、旺中質素，直指「雖然平，但真係好鬼難食」，表示不明白為何這麼多香港人大讚好食。有網友認同樓主，稱「葵廣好食啲添啦」，不過有人突破盲腸，指「葵廣咁嘅價錢都已經咁多人去啦」，直言有「葵廣質素，但平過葵廣其實都已經值得去」。

樓主續指台灣夜市「地方又舊又污糟，夜市即係廟街咁款」，隨後亦有多名網友留言稱行完台灣夜市後，回酒店後覺得肚子很痛，甚至有網友表示「食過一次士林痾到入醫院」，另外有居住台灣已7年的港人指「 全部夜市8成都係同一堆攤檔，全部油炸咁濟 又污糟又多人，住得耐根本揀唔落手」，亦有人稱「唔算好好食 不過都比香港選擇多」

網民稱台灣夜市擁2大優點 夠吸引力！

不過有唔少網民認為台灣夜市的價錢平，而且氣氛熱鬧，食物夠地道，單憑這兩點已經夠吸引力，網友紛紛留言稱「其實旅行去嗰個地方嘅夜市都係感受吓個氣氛，行吓睇吓輕鬆吓，又唔係一定要啲嘢好好食先行得嘅」、「從來夜市都係食個FEEL個氣氛令我好想食好多唔同野一，而且又平」。

另外有唔少網友認為台灣周圍都有平靚正的美食，直言「台灣食好嘢根本唔駛去夜市，周圍都有平靚正選擇，呢個香港就無得比。簡單如全家都好食過香港7仔OK千萬倍」。大家認同嗎？