網民熱議冒險樂園係咪開始沒落？　數2宗罪好趕客：連賣幣婆婆都走埋

冒險樂園開始沒落？　港人：而家連賣幣呀婆都唔見晒

近日有網民於LIHKG討論區發文，問「冒險樂園係唔係開始沒落」？該名網民指自己兒時和中學時常去冒險樂園玩，當時幾乎每間分店都會「有班賣幣呀婆坐喺度」，而這班賣幣婆婆的金幣通常都較店方便宜，因而不少人會私下找她們買幣。而她們大多數坐於推銀機的椅子上，每當有人跟她們有眼神接觸，她們都會主動走過去問「後生仔要幾多」。然而，近日網民突然想去冒險樂園玩時，發現幾間店都未有看到賣幣婆婆團，更指「無晒D呀婆，咁點買幣，想問邊間仲有呀婆賣幣？」

網民：有排都未會執笠！

帖文一出，旋即引來熱議，有網民指「以前$1賣1個幣，後尾$2個咁貴就無人玩」、「D公仔又貴又無款，唔知玩嚟做咩」；而賣幣婆婆減少出現的原因，除了店舖加強打擊私下賣幣的情況外，網民指「因為而家轉咗電子卡，同埋每年要人換新幣，佢哋盤生意好難做落去」。另外，有不少網民指「冒險樂園有排都未會執笠啦，越開越多分店喎」、「冒險樂園疫情3年間靠封關賺到Fat Fat，人在香港不能去旅行，不介意花一千幾百推銀仔」、「每到星期六日都好多人去玩，屋邨有學生幫襯，一家大細又會去商場玩」、「你係咪揀平日最靜個D時間去，平日班老人家玩推銀機，放學班小學生玩遊戲機」。

多間分店裝修中

現時冒險樂園一共有46間分店，遍佈港島、九龍、新界，更有烘焙教室，每堂收費$329。而網民指荃灣分店多不勝數，眼見新店已經裝修中。而荃灣如心店、又一城店同樣人流滿滿，「領展分店睇都好多人」；荃灣千色店又準備開，不過只是公仔機較貴，「唔抵夾」。而冒險樂園內有寵物小精靈機（Pokemon），假日亦多人排隊，眼見不少爸爸媽媽媽代囝囝排隊玩遊戲，只是現時少了好多日本機。

資料來源：LIHKG討論區