交友APP推薦2025｜香港7大免費APP比較 女生主導＋支持不同性取向

交友APP推薦2025｜交友APP人氣7大推介 女生主導＋支持不同性取向

交友APP推薦2025｜1.Tinder速食之選

Tinder應該算係香港比較多人認識嘅交友APP之一，左掃右掃輕鬆易用，只要大家都對對方有好感，就可以開始傾計。不過近年唔少人都用Tinder「速食」，想搵真愛嘅你，喺Tinder世界可能要有啲戒心先得～

交友APP推薦2025｜2.Coffee Meet Bagel女生主導之選

Coffee Meet Bagel呢個App嘅宗旨係「女性優先」，女生從喜歡嘅男生中挑選心儀對象。不過最大缺點係聊天室並唔係永久存在，大約8日內就會消除配對，所以一遇到啱傾對象，就要主動發出攻勢，問人地攞聯絡方法，拉近兩人的距離！

交友APP推薦2025｜3.Bumble時裝潮流及女生優先之選

Bumble而家又點只係一個交友App咁簡單，Bumble而家連自家品牌流行時裝都有。喺交友方面，同樣女士優先，女會員需要於24小時內開始聊天，然後男會員喺24小時之內答覆，否則配對會失效。呢個行為係保護女性免受性騷擾。

交友APP推薦2025｜4.Omi求安穩及高質配對之選

Omi用戶大多25歲以上，工作收入同生活狀態穩定嘅社會人士。不過APP內可以設定搜尋不同年齡層，令配對機率大增～

缺點：同步推出戀人卡配對功能，你要先回答系統嘅問題，若有人答案跟你一樣，就會突然配對成功可聊天，但就睇唔到對方個樣，得張2D圖想點呢？

交友APP推薦2025｜5. OK Cupid支持不同性取向

OK Cupid每年成功配對9100萬對情侶，而每星期就有5萬位用家約岀嚟拍拖，難怪呢個交友app咁多年都屹立不倒啦！App內加入22種性別及13種不同性取向畀用家選擇。Love is all around you!!!

交友APP推薦2025｜6.Paktor以貌取人之選

Paktor 有一個特別嘅相片評比系統，當你睇完人哋張相嘅同時可以對佢張相做評分，對方不僅可以睇到到你like佢嘅相，亦可以決定同唔同你成為朋友chat多幾句。

交友APP推薦2025｜7.Goodnight設交友論壇之選

Goodnight比一般交友app特別，就係增設論壇功能，從論壇中搵到你有興趣嘅話題，加入後就可以同其他用戶一齊討論。用戶可選擇一對一或多人聊天室，APP內亦主打「睡前7分鐘」嘅語音交友方式，唔知呢7分鐘你會選擇講啲咩？