九展被網民批評為失敗死場：無嘢行又超隔涉

連登仔批評九展是失敗死場！
無嘢行又超隔涉 教路起死回生只能靠XX

九龍灣國際展貿中心（簡稱九展／Emax）位於九龍灣展貿徑一號，據資料顯示綜合商廈的總樓面面積達176萬平方呎，算是頗具規模的商場。地面為購物商場，更特設有「名牌Outlet」，取名為E-MaxWearhouse九展名店倉，還有星影匯大型戲院、餐廳、歡樂天地、名車城（汽車展銷中心）、Tesla零售店等，有時也會舉辦演唱會活動。

近有網民在連登討論區以「老老實實，九展算唔算一個失敗嘅死場？」為題發帖，指出平日時間場內根本沒有人流，唯有在「有Show嗰陣先有少少人流」，詢問大家要如何才可以令九展起死回生。其實網民的帖主不無道理，由於九展的地點尷尬，也缺乏交通配套，只得穿梭巴士往返九龍灣地鐵站，因此人流乏乏，被外界質疑是「死場」也毫不為過。

得2種人會去！

網民留言指九展是「冇咩事都唔會入去」的商場，直言「地點太隔涉喇」、「以前做劏自由行死場，入面賣大陸貨扮名牌」、「以前有個保齡球場，好多高手係度玩」。除此之外，還稱九展是兩類人才會去的地方，分別是「睇Show」和「車主」，停車位多達700個，泊車優惠的門檻也低（兩張戲飛票尾已可換4小時免費泊車），車主網民直呼「揸車去睇戲最爽皮」！

不過除了批評九展是死場之外，也有網民為九展平反，表示「唔可以用商場角度睇，佢啲鋪都係畀嗰邊返工嘅人啫」、「本身嗰個位隔涉，附近又多廠同新商廈，其實用嚟做展覽做show係ok」。還提到如果真的要將九展「起死回生」，只有一招是「成個九龍灣駁晒天橋」，理據為「無天橋嘅商業地方係唔會成功，你睇下荃灣灣仔太古」，否則即使重建也不會有任何改變咁話。

原帖連結：按此