必睇 澳門Line Friends展｜10大展區解構：3.5 米高熊大、會場限定精品率先睇 (有片!)
撰文：Kassidy｜攝影：Fion
澳門LINE FRIENDS WORLD TOUR MACAU 2018開展喇
今次 澳門Line Friends World Tour 會有齊 11 位朋友仔出現，除了最受歡迎的熊大跟 Cony，還有 James、Moon、Jessica 等等一共 11 位角色，全部都能在會場內找到他們的蹤影！展場分為 10 個展區，各有特色，角色造型絕不馬虎，完全滿足大人細路影相的心。
【LINE FRIENDS】澳門Line 展終於開始咗！記者已經highlight 咗大量打卡位，場內仲有好多限定精品，Line 嘅粉絲們千奇唔好錯過啦！詳情：www.weekendhk.com/?p=832748一返工就想放假 #新假期旅遊 ===============中銀香港代理「環宇智選旅遊保障計劃」單次旅程計劃保費可低至68折。受條款細則約束 詳情：p.nmg.com.hk/bjlxz0＝＝＝＝＝＝＝＝＝＝＝＝＝＝＝＝想全方位睇到新假期吃喝玩樂搵節目資訊！立即Follow埋IG： bit.ly/weekendweekly-ig新假期飲食邪惡情報群組： bit.ly/wwfood-fbgp 新假期旅遊情報群組： bit.ly/wwtravel-gp＝＝＝＝＝＝＝＝＝＝＝＝＝＝＝＝澳門美食2018｜必掃10間地道老字號詳情：www.weekendhk.com/?p=820403
Posted by 新假期JetSo on Sunday, 8 July 2018
展區 01｜登機大堂
11 位角色全部登場，全部都準備好同大家一起環遊世界！門票設計為一張 Boarding Pass，包含遊戲券（可換小禮物），一共有五款設計，早鳥門票就完結了，所以非澳門居民入場的話就可以以正價購入 BROWN 的 Boarding Pass 了！
展區 02｜BROWN Air 啟航
Captain Brown 一早站在機艙內歡迎大家，分為經濟艙跟商務艙，商務艙還會有 CONY 一齊影相！但要注意，裡面的道具都不能隨便移動，乖乖影張相就好了。
展區 03｜行李提取處
連拎行李的地方都預備好，落機後拎完行李就立刻出發！
展區 04｜世界入境大堂
由空姐 CONY 帶路，行入大堂可以買到 SIM Card、打電話，仲有 James 坐定定同你自拍，當然唔少得由 BOSS 負責揸機。入境大堂外面是以羅馬鬥獸場設計，內外都設計得非常精緻。
展區 05｜Line Friends 極光村
估唔到 7 月澳門都有極光睇，還要是在冰屋內看 Line Friends 朋友星空！BROWN 跟 CONY 都穿上厚外套帶大家感受北極的氣氛。
展區 06｜聖誕廣場、3.5米高雪人 BROWN
Choco 跟 Jessica 都坐在廣場嘆下午茶，最矚目定必是在廣場中央、第一次亮相的 3.5 米高雪人 BROWN。
展區 07｜埃及獅身人面像
一凍完就即刻去轉非洲暖一暖身，來到埃及，Sally 化身獅身人面像，帶大家遊歷金字塔神秘一面。
展區 08｜櫻花情人橋
要漫步櫻花樹下唔使去到日本、韓國，澳門 Line friends 展就有櫻花兼情人橋，做埋 BROWN 同 CONY 的電燈膽，嚟一張櫻花合照！
展區 09 ｜巨頭山
今次 BROWN 帶大家去到美國西部牛仔村，還有一眾朋友仔的總統山！
總統山上分別有：BROWN、CONY、SALLY、MOON。
展區 10｜世界大賽車
最後一站當然少不得主人家澳門展區，以賽車為主題，可以坐上賽車同朋友仔鬥過。展區提供即影即沖服務，每張 MOP80 配搭會場限定卡紙，跟好朋友留一個紀念未算太貴。
必玩！ 4 個小遊戲
4個小遊戲分別落於 Line Friends 世界的 4 個村落，門票同樣是入場券，只要在指定時間內完成相關任務，可以獲得蓋章一個。集齊 4 個印章，還可以得到會場互動遊戲禮物一份。
記住買返張！買 Postcard 立刻寄出
去旅行又點可以缺少寄 Postcard 的環節，在聖誕廣場內有間郵局，可以買到 Postcard 跟郵票，即場寫完即場寄！
會場限定：Line Friends 世界 Passport
Line Friends 世界 Passport 暫時未公佈定價，一共有三個款式，內頁會有齊所有展區的蓋章頁，而且會有一張貼紙附送。
會場限定：各種 Line Friends 精品
今次澳門 Line Friends 展覽就有非常多的會場限定精品售賣，也有特地從日本 Line Friends Store 帶過來的精品！而且精品區設於場內，必定要買飛入場先可以掃限定精品。
3D 立體明信片 MOP39
《澳門LINE FRIENDS WORLD TOUR MACAU 2018》展覽
日期：2018年7月6日至2018年9月2日
地點：澳門新濠影滙「8號轉播廳」
開放時間：星期日至星期四 10am-8pm（最後入場時間為7:30pm）；星期五、六 10am-9pm（最後入場時間為8:30pm）
官方網址：www.linefriendsworldtour.com
票價：一般門票 MOP160；澳門居民門票 MOP120
