【澳門美食之旅！】食盡中、日、西式人氣餐廳 Visa信用卡尊享低至8折優惠

Sep 25 2020

有冇諗過用一日嘅時間就可以環遊世界？講緊嘅咪就係留喺澳門嚟一場環球美食旅行囉！平時返工咁攰，難得放假當然要歎盡唔同美食、好好咁Relax吓啦～Visa就特別為大家準備咗一系列嘅餐廳禮遇，有齊多國美食任你揀，就算而家無得出國去旅行一樣可以喺澳門嚟個快閃舌尖上的旅行！

澳門美食之旅食盡多國美食用Visa再享低至8折禮遇

1. 午餐之選

旅程嘅開始不如就去啲近近哋嘅地方，先品嚐吓亞洲嘅特色菜先喇～放假最好就去飲茶食點心，有靚裝潢、上佳香茗嘅「皇廷閣」就係唔錯嘅選擇，最啱同屋企人慢慢歎、傾吓計；澳門有咁多好嘢食，大家又食過晒未？未就一定要去「西洋菜餐館」，主廚特別以西式烹調手法炮製澳門特色食材，食完包你對澳門有另一番感受；食正宗日本嘢唔一定要去日本嘅～「貴族炉端燒」嘅大廚會為大家喺燒烤爐前面即席煮日式燒烤美食，食落同喺日本食嘅無分別㗎！至於「御廚」就有齊中式、西式嘅環球美食，一應俱全嘅菜式啱晒想一次過食齊各國菜式嘅你～

2.下午茶之選

想有歐洲嘅feel，當然要好似外國人咁歎返杯咖啡，喺陽光沐浴下渡過美好嘅下午時光啦！位於澳門南灣湖畔嘅「有間咖啡廳」有靚湖景夠晒chill，而「Blooom 品咖啡」就可以歎到最新鮮烘焙嘅咖啡，靚景加靚啡絕對會令你有喺外國慢活嘅感覺～當然亦唔少得澳門十六浦索菲特酒店嘅「雅聚廊大堂吧」，最啱同一班知己好友去歎首屈一指嘅下午茶「索菲特茶之道」～

3.晚餐之選

嚟到旅程嘅尾聲，當然要以喺高級嘅浪漫環境下嚟個完美嘅結尾啦～「一廳咖啡」環境優美不在話下，仲可以品嚐到頂級嘅世界食材同美酒，絕對可以為你嘅假日劃上完美句號；「瘋堂新派料理」就為大家帶嚟結合各國特色嘅意大利菜，等你可以同一時間喺唔同國家「遊走」，一次過滿足晒你對美食嘅各種願望；充滿神秘色彩嘅印度就未必人人都膽去，但主打新舊融合印度菜式嘅「Goa Nights」大家就隨時都可以去，包你一試難忘；而「婆仔屋」就可以品嚐傳統葡萄牙美食，再加埋百年歷史嘅殖民地建築群宏偉觀景，就好似置身於葡萄牙咁！最後仲有「澳門十六浦索菲特酒店」，有齊頂級中菜、環球海鮮自助餐、精緻法菜，無論最後一站想喺邊個國家做完結都無問題！