6cm大大件厚西多!! 澳門高士德 5大小店美食推介 |澳門|
撰文：新假期特刊組
01澳門高士德 超邪惡厚西多
一般茶餐應未必滿足到為食的你，有網友推介新鴻發的西多士，張張相的西多都勁厚，有網友曾經度過，就話有差不多6cm咁厚， 起碼兩個人才食得完。厚西多一上枱已好震撼，外層金黃酥脆，麵包口感紮實，中間夾了半溶的花生醬，好誘人。餐廳開業多年，除了厚西多，其他食物與傳統茶記差不多，有牛蛋多士、豬扒包等，質素不差，因此不少遊客都特意去幫襯。
西多表面香脆，淋上蜂蜜糖漿食，邪惡度滿分。
中間的花生醬呈半溶狀態，好吸引。
懷舊餅點，外層酥皮好硬，不夠酥脆。
包在蛋裡的牛肉頗多，抵食。
唔止街坊，都有好多遊客幫襯。
新鴻發咖啡美食
地址： 澳門高士德賈伯樂提督街55號A（顯示地圖）
電話：853- 2853 0452
營業時間：星期一至日6am-6pm
交通：乘12號巴士到盧廉若花園下車，再步行3分鐘
02B.Duck 陪你食餐飽Candy Cafe
公仔Cafe 永不過時，幾時都超受歡 迎，上年8月潮牌B.Duck 在澳門與Candy Cafe Crossover，經營主題Cafe，唔少 年輕人都特意去朝聖。餐廳環境是鋪天蓋 地的B.Duck，未入到餐廳已經可以見到 一大隻B.Duck 公仔在門口，而店內的牆 身、咕𠱸、餐桌都可以見到它的蹤影。食 物以西式食品為主，有意粉、薄餅、吐司 等， 雖然款式看似普通， 不過造型可 愛，多士都印了B.Duck 嘜頭，就連兒童 餐的白飯都有它的萌樣，成功呃Like！特 別推介甜品「B.Duck 寶盒」，看似一個普 通的朱古力波，只要淋上熱朱古力醬，外 層朱古力便會溶化，食到內裡的朱古 力慕絲。
吃時把熱朱古力漿淋上，將朱古力外殼溶化，裡面就是朱古力慕絲（圓圖），好似打開一個寶盒般！
食物造型可愛，小朋友見到一定好開心。
有車厘茄肉丸羅勒意大利麵和多士配草莓雪糕，另加飲品一杯。
有B.Duck的樣子，可愛到唔捨得飲，奶泡綿密。
餐廳內全是B.Duck，萌爆！
地址： 澳門高士德雅廉坊大馬路46A號雅廉花園地舖（顯示地圖）
電話：853-2855 4539
營業時間：12nn-10pm
Facebook專頁：CANDY CAFE Macau
交通：乘10號巴士到教育暨青年局下車，再步行8分鐘
03文青蒲點 文具Cafe Roomage 30空間拾
文具cafe「空間拾」去年5月開業，主要提供輕食，推介黑色的竹炭窩夫，用食用竹炭粉製成，食落有淡淡的竹炭味，有驚喜。文青們來到除了食，亦可到文具專櫃逛，所有文具都是創辦人用過才推介，保證高質，而少女亦可買到本土創作的手工飾品，啱晒一眾文青情侶。餐廳佔地逾千呎，創辦人為了營造空間感，店內除了設有數個座位及文具專櫃外，大部分都是丟空的空間，店內會不定期舉行藝術展覽，假日地下更會鋪野餐布，讓客人可以試下室內野餐。
採用食用竹炭粉炮製的窩夫酥香，配上甜甜的朱古力醬和軟滑忌廉，口感一流。
店內環境寬敞，但座位只有5、6個。
周六日有室內野餐！
由澳門人親自設計的網店品牌「雜事多」推出，小木袋以泰國環保木材配搭人造皮製成，輕身方便，又夠型！
台灣文具品牌與美國老牌Autopoint推出的雙頭旋轉筆，復古設計令人愛不釋手。
文具專櫃內賣的文具款式多，文青可以慢慢逛！
地址： 澳門高士德區高地烏街 64號 東方花園商場地庫（顯示地圖）
電話：從缺
營業時間：12:30pm-7:30pm（逢星期一不提供輕食）
Facebook專頁：Roomage 30空間拾
交通：由瑪嘉烈沿水坑尾街行20分鐘；或由馬統領街車站乘12號巴士到俾利喇站下車
04法國甜品師主理蛋糕店Cacao Patisserie
開業只有短短一年多，憑各款精 緻甜品打響名堂，不少遊客同本地人光顧。店舖的主理人是法國人，有多年製作甜品的經驗，他所製作的甜品不只外形美觀，款式亦好有新意，例如Wasabi味馬卡龍，店舖又會不定期改變甜品的款式同外形，例如朱古力雲呢嗱蛋糕就曾以麵包超人、熊仔同Minions 等外形出現。主廚表示大部分甜品的原材料都來自法國，用料優質。而甜品的價錢不貴，每款小蛋 糕只要MOP$38， 而馬卡龍每粒 MOP$16，另外亦有大蛋糕同麵包賣。
ROCHER外形似大粒金莎，外層是杏仁，包裹著朱古力忌廉、慕絲等，底層是榛子海綿蛋糕及曲奇撻，口感豐富；酥皮口感鬆脆，中間的吉士來自日本。
有12-14種，有玫瑰、抹茶、Wasabi味等。
店主推介抹茶千層蛋糕，有12-16層，用日本的抹茶粉製成，抹茶味唔突出，勝在忌廉夠Fresh。
特別推介，在雲呢嗱味馬卡龍上灑糖，並燒成焦糖面。
不定期變造型，但一樣咁可愛！
馬卡龍中是栗子忌廉，有黑加侖子啫喱，甜中帶酸。
地址： 澳門高士德渡船街75 號（顯示地圖）
電話：853- 2855 7227
營業時間：星期一至日12nn-10pm
Facebook專頁：Cacao Patisserie
交通：乘3號巴士到沙梨頭海邊街下車，再步行5分鐘
05後巷內的瓦煲腸粉珍榮咖啡美食
去澳門搵食，連橫街窄巷都唔可以放過，這間餐廳就開在一條後巷內，唔小心一點真的會找不到。餐廳的裝潢有點殘舊，看起來並不起眼，不過食物款式就好新奇特別。一入餐廳見到有幾枱客人都有個瓦煲，但又唔見餐廳有煲仔飯食，原來是瓦煲腸粉。瓦煲牛腩腸粉一上枱就見到腩汁滾到熱辣辣，腩汁的味道好濃，加了辣椒因此帶微辣，滾下滾下，愈食愈濃味。另外，亦有其他新奇配搭，椰汁燒賣腸粉、越式雞絲撈油麵等。
腸粉入味，啖啖都食到香濃的牛腩味，牛腩亦燜得夠軟稔，不過腸粉唔夠滑。
燒賣不是一般的魚肉餡，而是鯪魚肉餡，真材實料，不過湯汁落了不少辣油，唔食得辣真的不要試啊。
把包烘到脆身，中間是咖喱吞拿魚，微辣。
餐廳格局充滿古早味。
地址： 澳門高士德澳門蓮莖巷9-13號嘉年大廈地下（顯示地圖）
電話：853-2835 0201
營業時間：星期一至日7am-6pm
交通：乘3號巴士至提督/紅街市下車，步行4分鐘
