深圳高端鐵板燒鶯時TOKI｜必食活龍蝦配柑橘醬＋法式鵝肝甜筒
廣告
好友生日想為佢打造儀式感滿滿嘅慶生飯，我就揀咗大眾點評購物公園美食口味榜NO.1深圳鶯時TOKI。位於福田高端CBD平安金融中心，交通夠哂方便，設鮮花料理，特別適合約會、商務宴請或者家庭聚餐。餐廳燈光昏暗柔和，裝潢典雅有格調～今次提前告知餐廳好友生日，會特別安排一整桌花及提供生日裝飾，超級貼心嘅安排～我們食左雙人午間工作日餐。
深圳高端鐵板燒鶯時TOKI｜必食活龍蝦配柑橘醬＋法式鵝肝甜筒
當日手作前菜
三款新鮮當日時令前菜，簡單調味就可以食到食材嘅原汁原味，味道清新特別開胃！
活龍蝦配柑橘醬
特別選用體積巨大嘅北美洲海岸活龍蝦，肉質鮮甜無雜味，蝦味濃郁夠哂爽嫩～再沾上蝦膏/柑橘醬，酸酸甜甜，滋味滿分！
貴妃貝沖湯
新鮮肥美貴妃貝配茸菌熬製之高湯鮮甜無比，木槿花出自碗福建漳州，精美得很！
法式鵝肝
一整盆玫瑰花呈上超級吸睛！中間有一迷你脆筒，有齊外脆內軟嘅肥美法式鵝肝、爽甜蘋果粒、香甜藍莓同海苔花，入口層次感非常豐富！
鹽燒雪蟹
原味炙燒配明太子醬燒，一次過可以試齊兩款口味～推介可以先試原味，品嚐到鮮甜嘅雪蟹肉，之後再試濃香鮮味嘅明太子醬燒，之後再食埋蘋果果凍，清香消滯！
澳洲和牛
大理石油花分布均勻，油花豐富口感嫩滑，入口即化，充盈肉汁令人一試難忘！配上鹽食用，提鮮又提香！
鐵板炒飯
師傅特別加入櫻花蝦炒製，炒至鑊氣十足，飯粒粒粒分明，惹味香口！
甜品
最後食埋呢個冰凍雪葩，酸甜又解膩！
撰文：小紅書@Heimen生活美食分享圖片來源：小紅書@Heimen生活美食分享授權
