深圳幸福柚子碳火烤活鰻魚｜招牌碳烤活鰻魚＋手掌大乳山大生蠔
廣告
週末又北上去咗位於深圳南山區嘅幸福柚子碳火烤肉烤活鰻魚店，裝潢以木質元素為主，搭配暖色燈光，整個環境溫馨又舒適。搭配輕鬆愉快氛圍，特別適合朋友聚會或者家庭聚餐。
深圳幸福柚子碳火烤活鰻魚｜招牌碳烤活鰻魚＋手掌大乳山大生蠔
招牌碳烤活鰻魚
活鰻經炭火燒烤，表面微微焦脆，肉質鮮嫩，每一啖都散發著濃郁嘅碳烤香，配上特製醬汁，味道更上一層樓！食落口感滑溜，入口即化，絕對係必試之選。
乳山大生蠔
生蠔肉質厚實、鮮味十足。搭配檸檬汁，清新得黎又唔會搶走生蠔本身嘅鮮味，真係好適合喜歡食生蠔嘅朋友。
厚切牛舌
厚切牛舌經碳烤後外層微焦，內裏保持住肉質鮮嫩。咬落肉汁四溢，配少許鹽就已經好惹味。
厚切爆汁橫隔膜
橫隔膜肉質厚實，入口肉汁充盈、味道濃郁，配搭碳火香氣，絕對有驚喜。
芝士烤玉米
粟米粒粒飽滿，烤得香甜，最後鋪上一層濃濃嘅芝士，入口即化，口感滑順，好快就俾我哋清曬。
黑豬五花肉
五花肉脂肪適中，烤至外脆內嫩，搭配少許蒜蓉醬，味道更添層次感！食落好有幸福感。
魚籽拌飯
新鮮魚籽與米飯拌勻，味道鮮美好有口感，大滿足！
撰文：小紅書@Heimen生活美食分享圖片來源：小紅書@Heimen生活美食分享授權
