深圳新鮮野生菌火鍋芸山季｜招牌土雞菌湯鍋＋現燜宣威火腿牛肝菌燜飯

深圳新鮮野生菌火鍋芸山季｜招牌土雞菌湯鍋＋現燜宣威火腿牛肝菌燜飯

招牌土雞菌湯鍋

用上多種由雲南高山採摘之名貴野生菌及飼養百天走地雞，以古法熬製出鮮香又濃郁嘅土雞菌湯！走地雞肉質特別緊實有嚼勁，野生菌新鮮清香，食落鮮味十足！

招牌m9雪花和牛

油花綿密豐富，分布均勻，食落油質與口感兼備，牛味濃厚入口即化，肉汁相當飽滿！

高原品質野生菌三拼

拼盤賣相精美，附設簡介卡寫上菌菇名稱、其生長環境以及味道、口感，更有採摘人明信片，背面寫上祝福語，超有特色！推介羊肚菌，個頭飽滿，味香濃郁，入口味道鮮味大有淡淡菌香！

芸山三脆

爽滑彈牙毛肚包住爽脆有嚼勁嘅黄喉，再用新鮮貢菜打結，入口帶來三重口感，爽脆無比！

現燜宣威火腿牛肝菌燜飯

即場燜煮出一鍋鮮香可口嘅宣威火腿牛肝菌燜飯，宣威火腿肉質嫩滑，與鮮美牛肝菌拌於一起，米飯索滿牛肝菌香，忍唔住食咗兩大碗！

糖腿破酥包

雲南著名糕點，甜中帶點鹹，外皮酥軟，內餡豐富，鬆脆又香甜！

竹蓀皇后

鮮嫩潔白嘅竹蓀皇后個頭超大，賣相好吸晴！口感軟脆，營養豐富，鮮美且清香誘人～

農家小酥肉

即叫即炸熱辣辣上枱，外脆內酥，選用優質豬腿肉，肉香味甜！

風雪 | 楊梅茉莉冷萃

果香濃郁嘅楊梅搭配清爽茉莉茶，酸甜透心涼，仿佛品嘗到夏日味道～

鼓謠 | 山楂檸檬小調

將新鮮檸檬汁混合清爽酸甜山楂，飲落清涼解渴，酸酸地仲好開胃，亦可幫助消化！

雲栖 | 鳳梨黃皮玉露

特別選用糖度高、熟度剛好嘅鳳梨配以當造黃皮，清涼解暑又消滯！

點擊查看「新假期創作官｜Heimen生活美食分享」更多內容：按此