12星座鬧交唔會認錯！從不主動氹另一半 5個情侶冷戰必贏的星座｜12星座

情侶冷戰必贏！
5個從不主動哄另一半的星座

1. 金牛座

金牛座嘅人就算係同你冷戰，都唔會主動向你低頭認錯或者去氹返你，佢地就好似牛咁固執，只要決定咗就唔會再改變想法，相信如果你哋鬧交，佢可以去到分手嗰日都繼續冷落你，喺佢地字典入面只有自己係正確。

2. 摩羯座

摩羯座嘅人自以為是，總係覺得自己咩都勁過人，但其實唔係想像中咁。同時，佢哋鐘意叫人做嘢但自己從來唔會郁手，大男人嘅魔羯座會覺得要氹另一半等同認低威，老婆奴。佢哋認為男人就係一家之主，而女人就應該留喺屋企做煮飯婆，思想守舊。

3. 天秤座

天秤座最重要就係面子，做咩都唔會想認輸，非常好勝。因此面對鬧交，佢哋絕對唔會讓另一半，做事要公平公正，咩都講求證據。否則就咪使指意佢哋會認錯。同時，佢哋會認為如果你要嬲就自己嬲飽佢，係唔會主動去氹返你㗎！

4. 獅子座

如果話獅子座係大男人主義第一，相信無人敢認第二。獅子座嘅人天生自私，只在乎自己想法，從來唔會在意其他人。獅子座認為主動氹另一半就等同縱容對方，不過對朋友就非常大方，外人睇到可能會認為獅子座只當另一半係你屋企工人，唔明白點解會有人同獅子座一齊。

5. 白羊座

白羊座亦係從來唔會主動氹另一半，只要氹另一半就係承認自己做錯事，所以要佢地認錯係一件難過登天。所以白羊座唔會完全聽晒另一半話，而係希望從中得到另一半的重視，要對方先主動氹返自己。