波仔全新楊枝甘露瑞士卷！三款新產品＋Sanrio獨家精品換購
波仔全新楊枝甘露瑞士卷！三款新產品：椰香拿鐵瑞士卷＋黑椒雞脾
波仔新推出三款全新產品，其中焦點是楊枝甘露瑞士卷及椰香拿鐵瑞士卷，前者是鬆軟蛋糕內餡捲著鮮忌廉及粒粒芒果肉，甜度適中，清新綿密；後者椰香拿鐡瑞士卷口感軟綿，配搭濃郁的椰子鮮忌廉，愈吃愈滋味，兩款瑞士卷現時優惠價$10就食得啦！除了甜品，一個人宵夜必備黑椒雞脾，雞脾夠大隻，以黑椒汁調味，加熱即可食用，肉嫩多汁，現時優惠價$20隻就食到！
波仔Sanrio獨家精品換購：Kuromi、PC狗、水怪
波仔最近聯乘Sanrio三大人氣角色合作，分別是Kuromi、Pochacco（PC狗）、Hangyodon（水怪），只要購買任何波仔產品同時加購Sanrio characters 精品滿$120，並用AlipayHK付款即享全單減$30優惠！ (每單交易限購一件Sanrio characters 精品)，精選禮品包括雨傘$98、卡片套$78、隨行杯$198、手機繩$78，優惠期由即日起至2025年1月31日，快啲去波仔買食品同時，再揀心儀嘅禮品帶返屋企啦！
波仔新推邪惡花生醬西多士！
波仔新推出花生醬西多士，喺屋企都可以即刻食到西多啦，即刻買咗盒嚟開箱實測！叮完打開微波爐個下已經聞到好香，賣相亦相當不錯，內餡仲有濃厚的花生醬，但就略嫌唔夠酥脆，唔知大家會唔會買嚟試下呢？
波仔推出花生醬西多士，同茶餐廳差唔多嘅size，而且賣相亦唔錯！產品即日起於波仔及部分惠康有得買，一盒售價$30。
味道：
波仔花生醬西多士微波爐叮1分半鐘就食得，仲附送糖漿，非常方便，size有手掌咁大，西多內餡是香濃花生醬，但蛋味和脆度就差少少，不過勝在夠厚身；記者推介加牛油和雪糕一同享用，更加邪惡！
價格：
花生醬西多士售價$30/盒，勝在夠大份，缺點係唔夠香口且食落質感比較軟身，以微波爐食品而言性價比尚算OK，但都係茶餐廳抵食同好食啲。
評分：3.6/5
波仔花生醬西多士要$30/盒，內餡花生醬豐富，賣相不錯，不過味道比較單一，如果好似記者加牛油和雪糕，就更加滋味，層次更豐富，貪方便買來試都無妨！
- 花生醬西多士
- 價錢：$30/盒
- 售賣點：各大波仔及部分惠康
- 波仔地址詳情按此
