【#網絡熱話】｜醒目「送禮豚」頻上水用寶物換魚

【#網絡熱話】｜醒目「送禮豚」頻上水用寶物換魚
＝＝＝＝＝＝＝＝＝＝＝＝＝＝＝＝＝＝＝
澳洲鋁罐灣有間餐廳叫Barnacles Café，因為臨近海灘，所以餐廳提供一啲鮮魚畀遊客，等佢哋可以喺義工指示下餵附近海豚。不過最近因為疫情關係，餐廳暫時關閉。雖然仍有職員定期幫海豚檢查同餵食，但醒目嘅海豚似乎察覺到異樣，所以呢排頻頻打撈海中寶物，再用個嘴托住送畀職員，非常可愛！職員話呢隻海豚叫Mystique，一向都有「送禮」習慣，但呢排就密咗好多，仲會一次過送幾樣黎，珊瑚、貝殼、古董玻璃樽，要乜有乜，好搞笑～而職員都會非常識做，回禮送多幾條魚畀Mystique，仲會將佢嘅珍藏放喺餐廳展示，威盡鋁罐灣！ 網民就話海豚送完禮個樣好似偷笑緊，不過亦有網民認為人類有幻覺，可能Mystique只係想叫你「幫手掉垃圾」…點都好，咖啡店現已重新開放，大家有機會可以去探下「送禮豚」～ #新假期生活 #新假期網絡熱話 #海豚 #送禮 #禮物 #可愛 #動物 #搞笑 #澳洲 #肺炎 #疫情 #醒目 #保育 #平安大吉