【#網絡熱話】｜屯門現彈腿大媽！

【#網絡熱話】｜屯門現彈腿大媽！
＝＝＝＝＝＝＝＝＝＝＝＝＝＝＝＝＝＝＝
今日有網民喺Facebook分享咗一段片，片中見到一位大媽以佢柔韌嘅身軀，以腿代手，一腳就踩落個交通燈制。拍片司機可能怕佢武功咁深厚會整污糟＋踢爆支燈，所以就直接大叫「阿姐，用手啊，用腳唔得㗎。用腳整污糟㗎咋，第二個係咪會摸到你腳板底呀？」但呢位彈腿大師就回應話「個個人都喺呢度摸呀，污糟晒啦！」隨即仲拎電話出嚟影返司機大哥，以表示自己雖然係練武之人，但從未與科技脫軌。就係咁一場牽涉科技、衞生同武術嘅罵戰隨即落幕。 阿姐身手係好，但就係冇咩公德心，建議佢可以將佢嘅腳法帶入港足，重震香港足球聲威都唔錯。 #新假期生活 #新假期網絡熱話 #香港 #足球 #彈腿 #大媽 #食前方丈