高端醫療VS舊式醫療！專家詳解高端醫療保險 年供7千蚊可有2千萬保額？ @放飯ForFun專欄｜好生活百科
撰文：啊Be｜圖片：Pexels.com
高端醫療理賠限額非常可觀！
先講保額，市場上的基本醫療計劃一般分為三個等級，分別係普通房，半私家房及私家房，以最多人選擇的普通房級別為例，就算加上額外醫療保障填補不足的差額，每次入院都只有廿多萬的理賠上限，而終身醫療保額大概都只有一百多萬。相反，高端醫療取消了每次入院的理賠限額，改為每年設定一個可觀的保額上限，通常以一千萬起跳，不管你入院多少次，只要不超過這個限額即可作出理賠，而終身醫療保額更可以達到二千萬以上。
高端醫療，保費好貴？
保額去到千萬以上，保費會否都係一個天價？原來高端醫療跟基本醫療一樣，都有分三個級別，每個級別分別要繳付不同墊底費用，以最平級別跟基本醫療的普通房作比較，保費大概貴10至30%不等。
舉一個例子，以40歲人士為例，假設購買一個高端醫療計劃的最平級別，每年保費大概$7,000多港幣，如果比舊式基本計劃貴20%，即係每日大概貴$4，終身保額就可以由100多萬變為2,000多萬，足足有20倍增長，性價比超高。
高端醫療包鏢靶藥？
到咗今時今日，依然好多人都覺得癌症係絕症，其實只要你有錢，也可嘗試用藥醫治。以往確診癌症，多數選擇用電療及化療等方法醫治，不但康復率低，而且副作用多，但現時醫療科技發達，例如質子治療、免疫治療、鏢靶藥等等，不但副作用大幅減少，而且康復率更大大提高，當然價格易非常可觀，動輒幾百甚至乎過千萬。而這些龐大的醫療費用，現時的高端醫療大都可以涵括在內，不再是有錢人獨享。
好番都繼續照顧你所需！ 康復後的延伸惠益
除了上述所說的，高端醫療也包括一些出院後的延伸惠益。例如中風後家具設備需要提升以適應手術後的身體狀況。手術前後的門診諮詢，身體重建手術，以及善終關懷服務等等，這些基本醫療都是未有涵蓋。
了解完兩者的分別，大部份讀者都應該心裡有數，至於是否將舊有醫療轉為高端醫療，除了價錢分別之外，亦提提大家，必須要了解自己的身體狀況，以免出現不保事項，最好當然還是找一位專業的理財顧問資訊下喇！
Facebook專頁「放飯ForFun」 成員之一。身為金融理財顧問，我們玩得，同時又對品味有無比執著。做人做事，不論行步路定理財，我們都堅持「做人最緊要搞笑得嚟又有品味」。
撰文：啊Be｜圖片：Pexels.com
