人善蚊欺！外國研究：被蚊叮因你太仁慈善良！附：超有效止痕對策！｜好生活百科
撰文：Si | 圖片：新傳媒資料室
被蚊叮注意！蚊子欺善怕惡？
蚊子具有學習及記憶能力
美國華盛頓大學早前進行研究（詳情按此），研究人員將蚊子放置於充滿人類氣味的環境中，然後以微小振動干擾牠們的叮咬行為，振動強度與人類拍蚊時手臂造成的空氣振動相近，為時20分鐘。在接下來超過24小時內，蚊子都會選擇避開這種氣味，有效時間比防蚊液和防蚊貼還要長！另外一項研究（詳情按此）則刊登於《Current Biology》，研究顯示蚊子跟人類一樣，具有學習及記憶能力。當你準備揮手拍死咬你的蚊子時，牠會將你散發出的氣味與自己差點掉命的危險經歷連接一起，日後再次聞到那股氣味時，就會對你避之則吉。
蚊子會記住誰人「兇悍」
蚊子跟人類一樣，會分辨什麼人會對牠構成威脅，並盡量遠離危險的狀況，也因此令蚊子的行動佷靈敏，記得誰是「兇悍」的殺手，誰是軟弱好欺負的人。如果你太善良，不理牠們，就會一直被叮。
防蚊液也是大家平時主要的防蚊措施
對蚊子仁慈，就是害了自己，你對蚊子愈溫柔，牠們就愈會叮你，所以以後大家要狠下心來，出力拍蚊！不過如果你最後都係鬥佢唔過比佢咬左，唯有好好想辦法止痕了。
蚊癩大對策止痕藥推介！
身為資深惹蚊族，對蚊癩自然有不少護理心得！事不宜遲，即刻和大家分享蚊癩大對策！
1.無比滴
這個有多好用應該不用我多說了吧。夏天出外必定跟身。冰涼感覺迅速止痕！
2. 泰國Poy Sian牌清涼油（Pim-saen Roll-on Balm Oil ）
Poy Sian就是平時泰國必手信「薄荷通鼻棒」的那個牌子。不過唔講你唔知，原來佢呢支清涼油更好用！對於蚊癩止痕超級有效！最緊要係佢唔會一大陣藥油味，佢陣淡淡嘅薄荷味搽完好快就消失，做到無味止痕，唔驚會變左啊婆味。
3. 泰國Zam-Buk 牌青草膏
唔知泰國人係咪都飽受蚊患困擾，佢地嘅止痕產品都十分好用！呢隻青草膏同樣有好好嘅止痕功效。同樣地味道都係好快就消失。由於青草膏唔係液體，所以比起前兩樣更輕和方便攜帶，很適合出街或帶上飛機。
大家呢個夏天記得做好防蚊措施。不過如果真係再被蚊咬就可以試下用以上嘅止痕產品喇。
即睇更多：【消委會報告】5款蚊怕水成份避免嬰幼兒使用 隨時皮膚敏感＋刺激眼睛！附防蚊及使用驅蚊劑注意事項｜好生活百科
即睇更多：防蚊原來咁簡單！日本節目實測 蚊怕水都慳番！一招即可大大減低被蚊咬次數｜好生活百科
