日本冬天5大保暖措施推介！周街飲到熱粟米湯/暖笠笠廁板/浸溫泉！

好生活百科

Dec 15 2024

廣告

香港今星期氣溫驟降，周末更會跌至個位數，香港的濕凍真係世界第一，大家真係要小心保暖！至於大家去旅行的話，日本冬天有幾凍，相信大家都十分熟悉！分分鐘溫度有機會急降至零度以下，相當寒冷，但同香港唔同，日本有不少為了對抗嚴寒天氣的貼心設計，到處都有各種保暖措施，難怪冬天去日本，總是有種特別幸福的感覺！

令人想念5大日本溫暖位！

1. 溫暖的廁板

天氣一凍，去廁所就會變成一件非常痛苦的事，每次都要鼓起勇氣坐落凍冰冰的廁板上！呢個時候就會非常懷念日本，日本的大部分廁板都有預熱功能，坐上去暖暖的好舒服！

日本日本廁所功能超無敵，好多網友盛讚暖又餘又可以洗屁股。（圖片來源：新傳媒圖片庫） — 日本廁所功能超無敵，好多網友盛讚暖又餘又可以洗屁股。（圖片來源：新傳媒圖片庫）

2. 自動販賣機有熱湯！

香港的嘅自動販賣機向來都只有凍飲，近年7-11或OK便利店好咗少少，終於有個櫃可以買到暖飲，但無論如何都比不上日本的自動販賣機！四圍都見到，有大量好飲熱湯，當中必飲的粟米湯有粒粒粟米，飲完成個人都暖晒！

日本日本的自動販賣機四圍都見到，有大量好飲熱湯。（圖片來源：unsplash@steven-su） — 日本的自動販賣機四圍都見到，有大量好飲熱湯。（圖片來源：unsplash@steven-su）

日本必飲的粟米湯有粒粒粟米，飲完成個人都暖晒！（圖片來源：新傳媒圖片庫） — 必飲的粟米湯有粒粒粟米，飲完成個人都暖晒！（圖片來源：新傳媒圖片庫）

3. 四圍都有暖氣

冬天的時候，好多香港店舖、屋企都未必有暖氣，行入室內都依然有種凍冰冰的感覺！暖氣幾乎係日本每家每戶的必備物品，連地板都暖笠笠，係戶外玩到凍，就可以即刻入便利店保保暖！

日本日本大部分的商場、交通工具、酒店等，都會有暖氣。（圖片來源：Pexels@wencheng-jiang） — 日本大部分的商場、交通工具、酒店等，都會有暖氣。（圖片來源：Pexels@wencheng-jiang）

4. 乾凍VS濕凍

好多人都會覺得香港幾度都已經比日本的負十幾度凍，其中一個原因，就就香港濕氣比較重，屬於濕凍，所以一有風或者落雨，就會凍到入骨！

日本去日本唔想凍親，只要包到實一實，唔好畀皮膚暴露於空氣之中就可以啦！（圖片來源：unsplash@ryoji-iwata） — 去日本唔想凍親，只要包到實一實，唔好畀皮膚暴露於空氣之中就可以啦！（圖片來源：unsplash@ryoji-iwata）

5. 瘋狂浸溫泉

每次冬天去日本的指定動作，就是浸溫泉！想日浸夜浸首選溫泉旅館，而日本亦有大量溫泉浴場，以東京為例，就有足足7百多間，幾乎係總有一間喺左近！

日本冬天去日本的指定動作，就是浸溫泉！（圖片來源：Pexels@han-sen） — 冬天去日本的指定動作，就是浸溫泉！（圖片來源：Pexels@han-sen）

關鍵詞

日本好生活百科

撰文：Cynthia圖片來源：新傳媒圖片庫、Pexels、unsplash