港大推心理狀況評估工具！5分鐘即知有無抑鬱/創傷後壓力症｜好生活百科

港大推心理狀況評估工具
5分鐘檢查自己有無創傷後壓力症

由早前開始受社會的氣氛影響，到今年的新冠肺炎疫情令人心惶惶，港人經歷那麼多難以控制的事情，不少人的心理狀況、情緒等都受到影響，大家需要正視，不要坐視不理。港大醫學院精神醫學系於問卷調查中，結果顯示當中近74%受訪者出現中度至嚴重抑鬱，有41%受訪者出現中度至嚴重的創傷後壓力症狀，多達36%人同時出現中度至嚴重的創傷後壓力及抑鬱症狀。

港大醫學院精神醫學系青少年精神健康小組，推出網上自助心理狀況評估工具 ，以不記名的形式進行為大家進行評估，評估主要針對創傷經歷、心理困擾和症狀的意識幾個範疇，可以對自己的心理狀況有初步了預。不過此評估不能代替專業診斷或治療，所以有需要人士，還是要尋求專業人士的協助較好。

評估會由心理狀況問題開始，有問題如：過去1個月嘅經歷，例如當生活發生變化時，能否適應到？然後會問關於受壓的問題，例如會否覺得被社會大部分人壓迫？再問及2019年6月面對社會大事時的反應等等。

做完評估後，除了會顯示你的抑鬱症指數，更有關抑鬱症、創傷後遺症的資訊，如果想了解多啲，也有各項建議。若果結果不如意，亦要樂觀尋求專業協助，大家加油。

咩係抑鬱症？

有抑鬱症嘅時候，大腦進入咗另一種狀態，令我哋可能會：

• 做嘢變得好慢（例如學校/公司嘅嘢、跟唔上其他人）
• 成日覺得好攰、冇動力做嘢
• 變得孤立（想收埋自己，唔想見人）
• 集中唔到精神（特別係上堂/返工、做功課、同朋友傾計可能要聽幾次先明）
• 記憶力變差（唔記得啲可能好重要嘅嘢）
• 做唔到決定
• 瞓得差、長時間地瞓唔著，又或者成日瞓，但瞓極都唔精神
• 冇胃口，或暴食

咩係創傷後遺症？

創傷後遺症多數會出現喺嚴重意外、自然災難、戰爭或被虐等事件之後。無論有冇親身經歷過、親眼目擊，或是透過其他渠道見到或知道（例如網上、電視或報紙），都有可能令我哋留低創傷性嘅記憶，經歷到後遺嘅症狀。症狀包括：

• 喺個腦度出現有關件事嘅不安回憶、畫面
• 感覺身處當時嘅情景
• 成日失眠、發惡夢
• 好攰同冇精神（攰但又瞓唔著，驚瞌埋眼又會見到嗰啲畫面）
• 為咗避免諗起件事同再經歷情緒折磨，會避免接觸同提起同件事有關嘅嘢（例如物件、地方、新聞，有關嘅字句），或者對身邊嘅人同事變得好冷漠
• 無時無刻都保持最高嘅警覺，個人變得好驚、繃緊同緊張、容易躁同忟（對其他人同對自己都係）
• 集中唔到做任何其他嘢

想測試按這裡： 心之流 (HK FLOW Tool)

圖片來源：心之流（HK FLOW Tool）、HKU Medicine Facebook

即睇更多：研究：攬得多對身體有好處！醫生：擁抱有助預防心臟病兼抗抑鬱