高雄必必必食| 童話花園 人氣 黑 朱古力波 ！

不論男女士，聽到「 朱古力波 」四個字都總會有種莫名的興奮。今次在 高雄，有幸拜會內有乾坤的 朱古力波 ，直徑更達6吋長！衰鬼咪心邪，我所指的是 人氣 餐廳 童話花園的王牌甜品「 巫婆的糖果罐 」！這款每枱必點的甜品製作繁複，先將法國60% 黑朱古力倒模成球體，冷藏後迅速放入自家製丹麥麵包、棉花糖、番茄、蘋果、 菠蘿等餡料！上碟時店員淋上熱辣辣的牛奶朱古力溶漿，睇住黑波慢慢溶化，勁治癒！原以為餡料肯定甜到爆，點知食落又 OK，皆因黑朱古力中和了甜度，再配上帶鮮果，味道出奇地夾！據老闆講，有女食客可以獨自食完一整球，不過我和攝影師兩條女都挑戰失敗，計我話3個人食都肯定飽到上心口！