「台灣好樂園美食饗宴」激平套票! $999台北機票+住宿 |台灣|

May 26 2016

想去旅行但又無咩假期？近近地都可以揀去台灣玩輕鬆下，為忙碌嘅生活充充電，去放鬆下都好！最近台灣觀光局就同東港城合作舉辦「台灣好樂園美食饗宴」，仲有台灣10大主題樂園展覽，而且香港8間旅行社仲推出優惠套票，最平只要$999就可以飛台北玩一轉，抵到爛！

台灣好樂園美食饗宴 5大超抵自由行套票

台灣好樂園美食饗宴將會於5月27至29日於將軍澳東港城舉辦，一連三日都有台灣美食同文化體驗，但重頭戲當然係至抵台灣套票啦，有唔少套票都係限定，有啲更加只限10套，所以要同搶機票一樣，要鬥快搶！等我地同大家推介下有咩套票最抵，要衝去搶先啦！

1. 至抵套票！$999 坐國泰送住宿

$999可以去台北來回，仲要係國泰嘅機票！未計其他門票及住宿價錢，淨係國泰機票都已經值$970，而家幾乎等於買機票送住宿！2晚小叮噹生活大師會館雙人房住宿價錢為台幣$2860 (約HK $687)，門票價錢要台幣$500 (約HK$120)，即係每人平咗成四百幾蚊！小叮噹科學主題樂園仲送埋雙人夜間免費DIY課程，啱曬一家大細去玩，小朋友又可以學習下科學知識！

套票詳情（只限10套）：

港龍/國泰航空香港至台北來回機票
2晚小叮噹生活大師會館住宿連雙人自助早餐
雙人兩天入園門票
加贈雙人夜間免費DIY課程

小叮噹科學主題樂園

網址：http://www.ding-dong.com.tw/
Facebook：小叮噹科學主題樂園

2. $1,399 Running Man都玩六福村4天團

有睇Runngingman嘅都知，佢地有集嘅遊戲懲罰去咗台灣嘅六福村，玩全亞洲唯一嘅機動遊戲機「笑傲飛鷹」嚇到一班主持魂魄都無埋！今次有機會去玩啦，同樣係包機票，包住宿，但玩4日都係＄1399。六福村主題遊樂園仲要有開放式野生動物園，同亞洲獨有嘅機動遊戲，門票要台幣$999(約HK$250)，抵玩！仲可以入住「動物生態」飯店，即係一起身望出去就見到動物，例如長頸鹿，正常入住一晚二人房已經要$1899，依家套票包住宿，抵呀！

套票詳情（不限）：

香港至台北來回機票
3晚酒店住宿連早餐
送六福村主題樂園入園門票

六福村主題遊樂園

網址：http://www1.leofoo.com.tw/village/
Facebook：六福村主題遊樂園

3. 至抵溫泉套票！$1299 3日2夜南投泰雅渡假村

去台灣唔一定要台北，如果想遠離塵囂，可以去台中都得，南投就係唔少香港人去台中必去嘅地方，因為南投溫泉出名，所以有唔少溫泉渡假村。而泰雅渡假村除咗有溫泉，仲可以欣賞南投嘅山水，同體驗一下泰雅族原住民嘅生活！以一間兩人木屋為例，一晚要台幣$3400 (約HK$815)，套票包2晚住宿都只係$1299，仲未計機票，抵呀！

套票詳情（只限10套）：

香港至台中來回經濟客位機票
2晚泰雅渡假村住宿連早餐包含泰雅渡假村溫泉泡湯及入園門票
康泰$100萬飛行保險

泰雅渡假村

網址：http://www.atayal.com.tw/
Facebook：泰雅渡假村 (Atayal Resort)

4. 嘆世界之選！$1,478 3天2晚大板根森林溫泉渡假村連SPA

如果想純嘆下世界，享受下人生，就一定要揀呢個套票，因為大板根森林溫泉渡假村，除咗有溫泉，仲有埋SPA嘆，真係可以relax下，日日訓到自然醒！雖然無主題樂園嘅門票，但可以去森林睇睇，仲有可以係吊橋度影下相！真係咁至係人生！最緊要近台北市中心，走時去買下手信都得，而且二人房原價台幣$7000 (約HK$1679)一晚，淨係房錢已經過咗套票價錢，真係唔買唔得！

套票詳情（只限10套）：

中華航空香港至台北來回機票
2晚大板根森林溫泉渡假村住宿連早餐
森林門票
露天溫泉 SPA 門票

大板根森林溫泉渡假村

網址：http://www.dabangan.com.tw/
Facebook：大板根森林溫泉渡假村

5. 試玩空中纜車！$1398台北+烏來4日3夜自遊行

烏來是台北近郊嘅好去處，烏來溫泉同風景都係台灣出名，唔少旅客都專程到烏來。而雲仙樂園就係烏來嘅風景特定區，而套票包嘅空中纜車，更加係聞名台灣。以網上訂房為例，烏來大飯店一晚雙人房住宿價錢為台幣$2750 (約HK$660)，而雲仙樂園門票為台幣$220 (約HK$52)，可以玩4日3夜，假設機票約港幣$1000，套票價就慳成$600。

套票詳情（只限10套）：