台北 合掌村 華山市場日式料理 │超平價高質 必試$36豐盛刺身丼飯！
廣告
台灣近年食物款式愈來愈多元化，新興的台北日式料理餐廳亦不少，但價格一般偏高，以香港人最愛去的瞞著爹為例，一個丼飯就要價NT780/HK$200，再好吃都會肉赤！台北 合掌村 今年於華山市場新開，可以以平民價食到勁高質的刺身、定食，連台灣人都大力推薦！
台灣人才知道的優質料理
台北 合掌村於今年3月才開始營業，開在駐滿地道餐廳的華山市場，與阜杭豆漿同一熟食中心樓下，是台灣人常去覓食的地方。雖然才開幾個月，座位只有約10個，但已經極受歡迎，原因在於壽司刺身都非常新鮮，價格卻一點不貴！
刺身丼飯$40有找！
一般丼飯隨隨便便都要成200-300港紙，但合掌村最平的是國民海鮮丼NT140/HK$36！唔好以為平就無好嘢，丼飯包括四款刺身，大大片的三文魚及鯛魚，還有新鮮蟹肉、蟹子等，超級豐富！如果Budget多啲，仲可以揀小確幸海鮮丼或合掌村海鮮丼，生蝦加上生蠔，勁抵食！
超滿足巨盤握壽司
想食握壽司，合掌村同樣滿足到你！9貫握壽司都只需NT380/HK$100，而且通通經過師傅用心處理，即場火炙或加上蟹麵豉、蟹子等，帶子搭配飛魚子，吃起口感更豐富！
免費海鮮味噌湯 喝到飽！
每次食壽司都會特別期待味噌湯，可以飲番碗暖吓個胃！到合掌村點餐的話（丼飯／握壽司），都可以免費有得飲，仲可以狂續湯！裡面的材料有三文魚、蘿蔔，明顯係用心煲出來唔係味精湯，難怪大家都一碗接一碗！
單點質素都無得彈
唔想叫set的話，單點同樣無得輸，網友大推玉子燒，加上超多份量的明太子，睇見都想食！
下次去台灣想食日本嘢，不妨考慮下台北 合掌村啦！
合掌村
地址：台北市中正區忠孝東路一段108號1樓（顯示地圖）
營業時間：星期二至六11:30-14:00、17:00-19:30，星期日11:00-13:45（逢星期一休息）
網址：www.facebook.com/%E5%90%88%E6%8E%8C%E6%9D%91-2040768742816881/
延伸閱讀︰5分鐘即到台北車站！$400入住台北「藍色小屋」
延伸閱讀︰台灣便利店 全家、7-11 必買20大
延伸閱讀︰必買！ 2017 台北手信 30大清單
