全新Wakesurfing地點4大路線推介！初學者都啱玩＋迪士尼上船＋吐露港日落海鷗靚景｜周末遊懶人包

May 26 2021

夏天又到喇！近年人氣大熱嘅水上活動，一定非Wakesurfing（無繩滑水）莫屬喇！除咗西貢有得玩Wakesurf，近年都有其他特色靚景地點揀，可以輕鬆學Wakesurf，又有得wake住影靚日落打卡！今年仲有多個新Wakesurf 地點畀你揀，想staycation埋又得，想wake完舒舒服服沖涼先走都得！下面呢4條路線，實有一條啱你心水，快啲bookmark 佢啦！

撰文：Sumi | 圖片來源：新假期資料庫、官方圖片、[email protected]、IG@wakesurf_kc、[email protected]、IG@wmcafebar、IG@wakesurf_taipo、FB@泰道 Thai Dao、FB@Beach Pub 海灣吧、FB@Chung Kee Noodle 西貢松記車仔麵、FB@旺泰特食

全新Wakesurfing地點2021＋ 4大路線推介！

路線1：初學者啱玩！獨家迪士尼上船＋迪士尼/愉景灣staycation

諗起水上活動大家都會諗起西貢，不過如果覺得成日去西貢嘅，不妨考慮吓去2021新地點-坪洲wakesurf啦！西貢出名多船玩滑水，所以個水域都比較多浪同大浪，初學者可能就會難啲上到水。而坪洲水域則非常flat，初學者較易上水，較適合初學者！不過坪洲wakesurf 暫時得一位船家，要提早預約！如果有多日假期嘅，book間酒店wake完返去沖個涼加staycation，感覺就好似去咗個短途旅行一樣呀！

建議行程：迪士尼/愉景灣酒店Check-in ＞迪士尼/愉景灣碼頭上船＞出發wakesurf＞回程到入住酒店碼頭落船

2021全新Wakesurfing地點＋4大路線推介！西貢法拉利打卡位＋迪士尼上船Wakesurf＋大潭日落海鷗靚景 — 唔識Wakesurf唔洗驚！教練會好細心咁教每一個步驟！（圖片來源：IG@wakesurf_kc）

好多人以為Wakesurf上水係一件好難嘅事，其實個個都做到！起水嘅時候，初學者常犯嘅錯誤就係同條繩鬥力。其實應該放鬆對手，由得條繩扯住你走，加上腳踝輕輕用力壓落板度，就可以成功上到水喇！之後就係跟教練學點控制個浪喇！

備註：如果book早上Wakesurf嘅，記得要求酒店提早Check-in啊！

路線2：吐露港唯美海鷗靚景＋WM Café and Bar

唔講唔知，其實吐露港都係滑水好地點！這條路線比較近市區，而且勝在水域出名超Flat，吐露港都非常適合初學或者練花式滑水，平靜嘅水面無論係上水定學花式都易啲！仲有海鷗靚日落俾你wake住影相！

建議行程：白石角海濱公園碼頭上船＞出發Wakesurf＞回程到白石角海濱公園＞WM Café and Bar 歎足料漢堡包

吐露港個Wake好平靜，練花式一流！（圖片來源：IG@wakesurf_taipo）

其實只要唔怕跌，學識咗控制個浪之後，跟住教練講嘅咁做花式，每個人都可以玩到好advance！首先學嘅會係最基本花式 Carving，Hip位配合住手部動作轉上浪頭，咁你個Carving就做得好靚㗎喇！之後就可以學Ollie，試吓帶住板輕輕向上跳嘅滋味！真係好爽㗎！有咩不快都隨住個浪wake走哂啦！

WM Café and Bar 非常受食客歡迎，可能要訂定位喇。（圖片來源：IG@wmcafebar） — WM Café and Bar 非常受食客歡迎，事前可能要訂位。（圖片來源：IG@wmcafebar）

路線3：西貢新開幕Goofy Waves Clubhouse ＋唯美日落餐廳酒吧

而有Wakesurf經驗嘅人，都唔多唔少會去過西貢，前幾年喺西貢出完wake好似走難咁，有時唔好彩要排勁耐隊沖涼。今年終於唔洗咁辛苦！2021全新開幕嘅Goofy Waves唔單止環境舒適優美，仲提供埋浴室畀客人出完wake沖涼！而且仲有多個打卡靚位，嚟到就算唔出wake，都可以同架法拉利盡情打卡！另外，Goofy Waves亦有提供多個户外露天雅座畀客人休息。不妨放假約埋三五知己過嚟試吓玩Wakesurfing！休息過後，記者推薦到幾步之距嘅泰道餐廳或者海灣吧，睇住日落咁歎個晚餐！

建議行程：西貢公眾碼頭＞ Goofy Waves Clubhouse ＞出發Wakesurf ＞回程到Clubhouse梳洗休息＞泰道餐廳或海灣吧晚餐

浴室非常乾淨舒適，Goofy Waves亦已經好細心咁準備咗沐浴用品喇！（圖片來源：[email protected]）

Clubhouse 仲有彈床畀你玩！（圖片來源：[email protected]）

記者本身都係滑水愛好者，經已Bookmark咗呢間Goofy Waves做2021必去嘅Wakesurf Clubhouse喇！有靚女教練，Clubhouse環境又乾淨，仲有架法拉利打卡！

路線4：西貢碼頭上船＋舒適方便沖涼地點

得一日假無得staycation，又唔想去大潭咁遠滑水，不如嚟個西貢Wakesurf一日遊喇！搭小巴嚟到西貢公眾碼頭落車，步行到松記車仔麵食馳名嘅車仔麵，食飽就出發去Wakesurf喇！回程步行2分鐘左右，到達西貢鄧肇堅運動場沖涼，運動場浴室乾淨整潔，亦有吹風機吹頭。

建議行程：西貢公眾碼頭＞松記車仔麵＞出發Wakesurf！＞回程到西貢公眾碼頭＞西貢鄧肇堅運動場沖涼＞旺泰特食＞乘搭小巴/巴士離開

出發去Wakesurf喇！玩得盡興之餘，都記得補防曬啊！（圖片來源：[email protected]）

Kenny都係西貢Wakesurf，仲識玩花式！（圖片來源：[email protected]）

記得同個靚wake打個卡！（圖片來源：IG@wakeland.saikung） — 記得同個靚wake打個卡！（圖片來源：[email protected]）

另外，好多人以為一定要識游水先可以玩Wakesurf。錯錯錯！其實唔識游水嘅朋友仔都非常歡迎入滑浪嘅大家庭㗎！船上面已經有齊哂救生衣、保暖衣等等，確保玩得開心又安全！

唔識游水都唔洗驚！船上面有救生衣供應！（圖片來源：[email protected]）

2021全新Wakesurfing地點＋4大路線推介！西貢法拉利打卡位＋迪士尼上船Wakesurf＋吐露港日落海鷗靚景 — 嚟到西貢一定要試吓松記車仔麵啊，記者每次wake前都會食嫁！（圖片來源：FB@Chung Kee Noodle 西貢松記車仔麵）

之後記者推薦到旺泰特食出名嘅泰國菜，一定、一定、一定要食佢嘅泰式生蝦啊！串燒都非常推薦！食飽休息夠，餐廳隔離就有小巴/巴士出去市區啦！

如果有與趣玩Wakesurf嘅話，可以直接喺IG dm船家/教練Book時間，通常每人滑1個鐘就已經「放哂電」！要留意嘅係，Wakesurf嘅船型同Wakeboard嘅船型有啲唔同，通常Wakebaord都係俗稱Outboard，引擎係可見嘅船尾。而Wakesurf就係用俗稱inboard嘅船，引擎收咗係船下面，玩得比較方便又安全。下面係記者曾經玩過嘅兩位教練資料，都有好多明星跟佢哋玩！今個夏天就試吓跳出comfort zone 玩吓新嘢喇！

教練IG聯絡資料：

備註：直接係IGdm佢地就得嫁喇！