TOMICA 夾車仔！汽車泊入玩具盒換免費Parking
廣告
據非正式統計，絕大部份男士即使不同年齡下，都希望擁有好多玩具車；與此同時，又有一個非正式統計，一部份大小男孩都好喜愛扭蛋夾玩具，扭到成間房都係蛋。假如二合為一，又有車仔又有得夾玩具，後果真係不得之了！破產都似～這個破產機會嚟喇！因為奧海城及藍灣廣場crossover了 TOMICA 舉辦活動，有3個遊戲俾車迷過下手癮，包括車手挑戰站、DIY 工作坊、試車體驗館，後者就有逾2,000架TOMICA合金車仔同 PLAYRAIL 火車任你玩，最後還有 TOMICA 夾車仔機，小朋友一定好開心。
到底點先可以參加到？大家只要消費滿指定金額或捐款予「愛心聖誕大行動」，就可以有資格參加上述3個活動。若果成功挑戰這3個活動，至可以挑戰終極遊戲 － 夾車仔，夾夾機裡面有不同型號及品牌的玩具車，當中仲有最珍貴的日本限量版TOMICA合金玩具車，搵唔搵到、夾唔夾到？就睇你技術喇，每次完成三項挑戰的朋友，都會有一次玩夾夾機的機會！
TOMICA短期內，不同時間會係不同鬧市擺放1:1玩具車盒，不過好難撞到。如果車迷仍然想來個合照，屆時奧海城1期及2期停車場亦有1:1巨型包裝盒，只要你駕駛的是奧迪、本田或日產汽車，都可以影返張靚相。若然車主想得到一小時免費泊車，可將相片upload至個人社交平台，並hashtag 「olympiancity」。不過，呢個特選車位有限，泊到入去影到相先算數喎，相信都會排餐死！
今次活動，相信阿爸同個仔會玩到癲，咁媽媽同個女點算？可以考慮一下食聖誕節限定版兒童餐，不過都係同TOMICA有關。屆時上述兩個商場內的指定食肆，包括UCC Cafe、Mou Mou Club牛涮鍋、板長壽司等，都會提供「聖誕節限定TOMICA兒童餐」，俾小車迷玩下車仔，用車仔餐具。
TOMICA聖誕之旅
地點：奧海城及藍灣廣場
日期：11月18日至2016年1月3日
延伸閱讀：
