POP MART香港國際機場專門店開幕：發售香港區獨家限定系列-「好耐冇叮」 增設特別版24小時機械人商店方便旅客買心水盲盒

機場專門店的特色體驗

今次機場專門店以香港設計師Kenny Wong (王信明) 嘅代表IP「MOLLY」作爲設計主題。分店內設有充滿旅行感覺嘅MOLLY「幻想流浪記系列」自由行造型特大人偶，大家可以喺離境或者出發前同MOLLY打打卡，為你嘅旅程加加分！

今次專門店更設置特別版24小時機械人商店ROBO SHOP，讓旅客喺任何時候都可以買到心水系列盲盒。

MOLLY Long Time No Ding好耐冇叮系列

機場專門店除咗有 POP MART 全球搶購嘅各類潮流玩具、搪膠臉毛絨掛件系列之外，更首次公開發售 MOLLY香港區獨家限定系列-「好耐冇叮」。整個系列以香港獨特文化為創作靈感，設計師將藍白水手服條紋同經常喺香港出沒嘅中華白海豚等象徵性元素巧妙融合，令整個系列都可以比到人一種舒適、平靜的時尚感覺。

POP MART計劃進一步拓展香港市場

POP MART創始人王寧早前親身到香港國際機場主持新店開幕儀式。王寧喺開幕禮致辭表示：「香港作為POP MART的重要市場，我們希望通過這家機場店，進一步拉近與全球粉絲的距離，為旅途中的人們增添更多的樂趣與潮流體驗。」王寧亦表示機場專門店嘅開幕，不但標誌著品牌喺香港市場嘅一個重要里程碑，亦體現咗POP MART喺全球擴展中嘅戰略布局，以打造IP嘅精神嚟經營店鋪，讓粉絲能夠感受到潮玩帶來嘅美好同創意。

王寧被問到喺香港開店計劃嘅時候，佢就透露更多香港門店在籌備當中，並表示今次機場專門店嘅開幕，進一步展示POP MART將會喺香港市場繼續穩步發展。

（資料由客戶提供）