PMQ工作坊聖誕放題!一張飛玩轉10個workshop 任整皮革AirPod套+迷你手袋+押花飾物盒
撰文:Icy |圖片來源:新假期編輯部、PMQ授權圖片
PMQ工作坊放題 聖誕限定主題!
一張飛玩轉10個workshop 任整AirPod套+迷你手袋+押花飾物盒
PMQ繼上兩次舉辨工作坊放題反應熱烈,適逢聖誕節再聯同10個香港創意品牌喺12月17至19日舉行「聖誕精靈派對工作坊 」,只需要一張門票就可於時段內任玩多達10個工作坊,每個workshop大約20至45分鐘不等,有得大玩皮革、DIY手袋、飾物及押花飾物盒等,一張飛都夠時間玩成4個workshop,除返開每個$100都唔使!
1. 山系編織AirPod case工作坊|Blind by JW
呢幾年愈嚟愈多人AirPod不離身,出街必定要聽歌,呢個workshop整嘅AirPod皮革case就啱晒你!工作坊提供皮革原料加上各式五金配件,參加者可親手為自己編織出山系AirPod皮革case,Yama girl我嚟啦!
2. 迷你手袋工作坊|CECILIA MA
女生5大出街必備之選,手袋一定榜上有名!迷你手袋工作坊由設計師親授手繪技巧,就算平時畫開火柴人都可以親手繪畫出充滿個人風格嘅圖案,仲有不同顏色及袋形任你揀,出街就唔會輕易撞款,實用之餘仲可以多樣Fashion item襯衫!
![迷你手袋工作坊。(圖片來源:PMQ授權圖片)](https://imgs.weekendhk.com/wp-content/uploads/2021/12/screen-shot-2021-12-14-at-2.11.35-pm_148611705261b835a7832f9-1024x763.png)
3. 押花飾物盒工作坊|HAK
工作坊會教授參加者製作水晶押花首飾盒,參加者可以根據自己偏好,加上具唔同意義價值嘅英文字首,配以金箔點綴,最後就可以將獨一無二嘅首飾盒帶返屋企,儲存飾物同時更可以喚起過往美好嘅回憶~
![押花飾物盒工作坊。(圖片來源:PMQ授權圖片)](https://imgs.weekendhk.com/wp-content/uploads/2021/10/jewels-box3_1910815366184dc2bafc03-763x1024.jpg)
4. 升級牛工作坊|Phenotypsetter
相信每個人屋企衣櫃都有一條被遺忘嘅牛仔褲,其實牛仔布除咗褲之外仲可以造好多唔同嘅單品。參加者即使無時裝設計嘅經驗,都可以喺導師指導下做出獨一無二嘅時尚圍巾!
![升級牛工作坊。(圖片來源:PMQ授權圖片)](https://imgs.weekendhk.com/wp-content/uploads/2021/12/screen-shot-2021-12-14-at-2.08.05-pm_126532886861b834cce5519.png)
5. 金箔工藝杯墊工作坊|513 PAINT SHOP
金箔工藝普遍都會有種好舊式嘅感覺,今次工作坊要打破大眾對金箔舊有嘅觀念,以家居做主題,用指導大家利用環保油漆親手製作獨有嘅金箔字句杯墊,啱晒鍾意DIY嘅你!
![金箔工藝杯墊工作坊(圖片來源:PMQ授權圖片)](https://imgs.weekendhk.com/wp-content/uploads/2021/12/513-paint-shop_-xmas-coaster-1_70478669861b8344a197f6-768x1024.jpeg)
6. 立體成型小袋工作坊|POMCH
全港獨有PVC立體成型工作坊,參加者可以自由組合字體或物件嘅外型,再以真空吸塑,將其外型壓於袋上,製成獨一無二嘅隨身袋仔,成品夠晒獨特之餘睇落仲好有質感,加上非常實用,可用嚟放置卡片或零錢等!
![參加者可用聖誕風格小物去做主題,節日拎出街超吸睛!(圖片來源:PMQ授權圖片)](https://imgs.weekendhk.com/wp-content/uploads/2021/12/pomch-_-3d-forming-pouch-4_129975100261b8334627570-1024x1024.jpg)
7. 眼鏡飾品工作坊|Absolute Vintage Eyewear
參加者會係導師指導下,製作有聖誕氣氛又不失型格嘅眼鏡飾品,即使唔係用嚟放眼鏡,都可以當作隨身小物袋,非常實用!
![眼鏡飾品工作坊。(圖片來源:PMQ授權圖片)](https://imgs.weekendhk.com/wp-content/uploads/2021/10/screen-shot-2021-11-05-at-3.21.23-pm_13978499826184db7ae598e.png)
8. 黃銅聖誕掛飾工作坊|Obellery Workshop
工作坊會教導參加者唔同嘅刻鑿技巧,大家可以自行發揮創意及想像力,將提供嘅聖誕樹黃銅飾牌變成手繩或鑰匙扣,拎出街絕對可以大增節日氣氛!
![黃銅聖誕掛飾工作坊(圖片來源:PMQ授權圖片)](https://imgs.weekendhk.com/wp-content/uploads/2021/12/obellery-workshop-_-brass-charms-1_173934134561b82c85d9734.jpg)
9. 羊毛氈聖誕老人工作坊|A studio
工作坊會教導參加者以零浪費、全天然、可持續嘅羊毛氈去製作聖誕老人掛飾,過程完全唔需要使用針錐,只用羊毛、肥皂及熱水,就算小朋友都可以輕鬆上手!
![羊毛氈聖誕老人工作坊。(圖片來源:PMQ授權圖片)](https://imgs.weekendhk.com/wp-content/uploads/2021/12/screen-shot-2021-12-14-at-1.23.25-pm_70037027061b82a608108f.png)
10. 薑餅人製作工作坊|FABcessories
薑餅人可以話係聖誕節最重要嘅角色之一!工作坊會提供參加者唔同模版幫薑餅人造衫,亦有唔同物料例如絨布、毛毛球、鈕扣、亞克力配件及顏料,添置新裝之餘可以創作出屬於自己風格嘅薑餅人!
![薑餅人製作工作坊,好可愛呀!(圖片來源:PMQ授權圖片)](https://imgs.weekendhk.com/wp-content/uploads/2021/12/screen-shot-2021-12-14-at-1.22.26-pm_64485770361b82a1ea4922.png)
大搞創意Dress Code賀聖誕
今次更特設Dress Codo活動,參加者可以配合聖誕主題去cosplay紅色及綠色嘅裝扮,將有機會贏得「最佳演繹大獎」及驚喜禮品,自問玩得嘅朋友就記得花心思盛裝出席!
![參與聖誕Dress Codo活動有機會贏大獎!(圖片來源:PMQ授權圖片)](https://imgs.weekendhk.com/wp-content/uploads/2021/12/kv-3_85408917061b84658aff61-1024x682.jpg)
《Creative Workshop Fest @PMQ |聖誕精靈派對工作坊》
日期:2021年12月17至19日
時間:
2021年12月17日(第一節)4:00-6:30pm、(第二節)7:00-9:30pm
2021年12月18至19日(第一節)1:00-3:30pm、(第二節)4:00-6:30pm
地址:香港中環鴨巴甸街35號
地點:PMQ元創方Marketplace地面廣場
費用:$490/一個時段
售票網址:按此 (名額先到先到,售完即止)
常見問題
問:一張門票價錢多少?
答:$490/一個時段。每個時段可以玩2.5小時。活動詳情
問:除了聖誕工作坊外還有甚麼聖誕活動推介?
答:除了聖誕工作坊外,還有全港7大聖誕節市集推介
一張門票價錢多少?
$490/一個時段。每個時段可以玩2.5小時。活動詳情
除了聖誕工作坊外還有甚麼聖誕活動推介?
除了聖誕工作坊外,還有全港7大聖誕節市集推介