「鬼滅之刃」期間限定店尖沙咀The ONE開幕 ！現場直擊8大打卡位＋40款獨家發售商品＋聖誕福袋

撰文：Icy｜圖片來源：The ONE授權圖片、新假期編輯部

「鬼滅之刃」期間限定店尖沙咀The ONE開幕

當紅動畫「鬼滅之刃」嘅電影版去年橫掃全球票房寶座，早前官方更宣佈會推出第二季「遊郭篇」，咁開心就一於唔好比佢停！於2021年11月26日至2022年1月9日，「鬼滅之刃 劇場版 無限列車編 期間限定店」會降臨尖沙咀 The ONE，大賣過百款精品以及獨家發售商品，陪伴大家過聖誕新年！

8大經典打卡位猶如置身動畫場景

位於The ONE地下露天廣場、 UG2中庭、以及3樓分別有8大打卡位，包括「燈火日式鳥居」、「竈門炭治郎」、「竈門禰豆子」、「嘴平伊之助」及「我妻善逸」，位位都係人氣角色，粉絲們必定要搵齊佢地打卡！

1. 燈火日式鳥居一番街

UG2中庭搖身一變成為充滿東瀛色彩嘅商店街，係咪好似走入咗日本鳥居一樣呢？「一番街」上空高掛著日式燈籠，喺燈火闌珊嘅浪漫燈光下，有種置身於日本嘅感覺～

2. 「竈門禰豆子」決鬥萌勢

得意爆登嘅「禰豆子」喺對付敵人時會收起日常可愛嘅模樣，同禰豆子一齊對抗面前嘅魔敵啦！

3. 肌肉力量「嘴平伊之助」

帶著豬頭面具嘅「伊之助」擁有異常靈敏嘅觸角，一身強大肌肉嘅佢擅長發動連環攻擊，千祈唔好比佢捉到啊！

4. 雷電快閃「我妻善逸」

「我妻善逸」旁邊嘅幻燈片會展示扮鬼扮馬嘅「善逸」，粉絲們可以一覽動畫嘅經典情節！

5.「炎柱」上演生死對決

呢一個打卡點還原電影經典，「炎柱」與「猗窩座」上演一場生死對決，好型啊！

6. 「竈門炭治郎」經典招式

The ONE地下露天廣場位置還原典無限列車場景，炭治郎已經係正門等待大家到來，奪命車廂內除咗會發售單品外，設打卡位比大家影相，有「我妻善逸」及「魘夢」迎接大家，一嚐踏入無限列車嘅感覺！
鬼滅隊成員「我妻善逸」在「禰豆子」的木箱旁邊，守護著她的安危！車廂左邊設下卡位，讓各位訪客坐下化身無限列車的乘客，一同走上驚險之旅，隨時命中「魘夢」的血鬼術，猶如置身動畫驚險場景。

7. 奪命車廂卡位「我妻善逸」

鬼滅隊成員「我妻善逸」喺「禰豆子」嘅木箱旁邊守護佢嘅安危！車廂左邊設有卡位，可以比大家化身成無限列車嘅乘客，一齊踏上驚險之旅，猶如置身動畫一樣驚險！

8. 下弦之壹「魘夢」

「魘夢」一早已經偷偷潛伏於列車中，靜待各位嘅來臨，使出令人陷入夢境嘅血鬼術，小心啊！

必入手獨家商品：聖誕限量福袋＋全球斷貨藍光禮盒＋優先訂購首發模型

賣點之一係會開售超過40款獨家發售及會場限定商品，限定店設於地下露天廣場及UG2中庭，當中包括內含人氣模型及多款精品嘅聖誕福袋、全球斷貨《鬼滅之刃—無限列車篇》豪華版藍光禮盒（上下卷限量各5套）、精美「猗窩座」日式飯袋、全彩抱枕及鬼殺隊環保袋。現場更可優先訂購首發「炎柱」及「猗窩座」Figuarts ZERO模型！

• 「鬼滅之刃 劇場版 無限列車編 期間限定店」
• 日期：2021年11月26日至2022年1月9日
• 時間：11am – 9pm
• 地點：尖沙咀彌敦道100號The ONE 地下露天廣場及UG2中庭（港鐵尖沙咀站B1出口）
• 注意事項：
  現場設有排隊機制，於上午10時45分開始在店外派發輪候籌號。全日名額合共1000個，每1小時為一個時段，每一時段有100個名額。（詳情請參閱店內指示）

常見問題:

問:去「鬼滅之刃」期間限定店時有什麼必知?
回答:現場設有排隊機制，於上午….
問:去「鬼滅之刃」期間限定店時有什麼要留意?
回答:緊記要帶口罩。