萬聖節好去處2024推介10大｜鬼屋/劇本殺＋迪士尼/海洋公園＋商場打卡

萬聖節好去處2024推介10大｜鬼屋/劇本殺＋迪士尼/海洋公園＋商場打卡

鬼屋/密室逃脫活動｜主題樂園｜戶外商場打卡｜美食推介

萬聖節好去處2024｜1. 旺角創興中心地庫20,000呎驚嚇鬼屋

今年Halloween於旺角鬧市都有鬼屋玩！於旺角創興中心地庫有一個佔地約22,000呎的恐怖禁地，設3大場景主題，每一間都陰氣極重！自問膽大過人的你，今個10月一於去挑戰一下啦！即睇購票詳情！

萬聖節好去處2024｜2. 啟德AIRSIDE商場九龍城寨主題鬼屋劇場殺

今年萬聖節連AIRSIDE都有鬼屋玩啦！AIRSIDE聯同「港鬼故」、「Mental Bread@港式情侶」推出《鬼域寨城》沉浸式鬼屋劇場殺，打造3,000呎恐怖亡域，大家要一邊受驚一邊解謎，想挑戰膽量的你必到！

萬聖節好去處2024｜3. 香港首個電車廠密室逃脫首次夜間開放車廠

今年萬聖節，香港電車與著名作家藍橘子聯乘，首辦全港獨有電車廠密室逃脫互動體驗！香港電車更是首次於晚上開放車廠重地，更會讓大家玩足120分鐘的密室逃脫，入場人士到底能不能成功脫出？！

回到目錄

萬聖節好去處2024｜4. 海洋公園哈囉喂2024猛鬼九龍城寨鬼屋

「海洋公園哈囉喂全園祭2024」驚慄登場，與你飛越時空再闖厲鬼圍城，揭開80年代香港都市傳說恐怖真相。由即日起至2024年11月3日，六大驚嚇體驗加上十個別具風格的精彩暗黑表演，等待大家逐一體驗。不過，小心一去無回頭！

萬聖節好去處2024｜5. 迪士尼萬聖節2024全新鬼馬精品/精彩舞會回歸

「Disney Halloween Time」將於9月13日至10月31日矚目回歸香港迪士尼樂園，多項萬聖節必玩重頭戲、傳統 Trick-or-treat 活動將強勢回歸，一系列全新怪誕新奇的萬聖節主題商品、 限定美食等亦將陸續登場，即刻睇吓！

回到目錄

萬聖節好去處2024｜6. 尖沙咀太空館變身大南瓜！3D光雕匯演每晚上演

旅發局新推出「哈囉威香港」太空館3D光雕匯演！由即日起正式上演，5款富有香港特色兼造型多變的可愛幽靈將會現身香港太空館外牆，好有halloween氣氛啊，即睇匯演時間表！

萬聖節好去處2024｜7. 愉景灣萬聖節變南瓜森林 8米高南瓜打卡位

今年愉景灣期間限定變身南瓜森林，設有多個南瓜打卡位和多款趣怪燈飾，每晚6點更會亮燈！還有一系列萬聖節活動，一家大細想慶祝Halloween，就一定要到愉景灣感受濃厚的節日氣氛啦！

萬聖節好去處2024｜8. 尖沙咀主題打卡區 LuLu豬Cosplay殭屍先生

就到萬聖節啦！尖沙咀海港城玩具“反”斗城出現了一隻史上最可愛、最無殺傷力的殭屍，就是LuLu豬換上鬼怪服裝Cosplay的殭屍先生！還有最新萬聖節系列公仔發售，開售首日已被粉絲瘋搶，即睇詳情！

回到目錄

萬聖節好去處2024｜9. 中環街市傳統德國啤酒節萬聖節嚇破蛋市集

「中環街市傳統德國啤酒節2024」由10月17日至11月2日舉行，深受港人歡迎的德國樂隊Die Notenhobler亦會再度登場。而由10月21日起至11月3日，中環街市二樓24小時行人通道更會有萬聖節嚇破蛋市集，以及連串節日工作坊與眾同樂，一眾嘩鬼匯聚中環街市歡度萬聖節！

萬聖節好去處2024｜10. 限定美食！Dough Bros萬聖節免費送薄餅＋冬甩

人氣薄餅及冬甩專門店Dough Bros推出萬聖節限定冬甩及薄餅，由即日起至11月3日期間供應，招牌爆餡冬甩將換上黑色造型示人，十分應節，另外還首次推出芝士漢堡薄餅，邪惡美味的配搭超吸引。除此之外仲會隨機發放萬聖節專屬優惠卷，免費換領pizza、冬甩等等，優惠十分豐富，萬聖節同朋友開party買來應節啦！

回到目錄