芒草季節2024！香港9大賞芒草景點＋路線推介 最短1小時登頂！
芒草季節2024目錄
【溫馨提示】郊遊時，要尊重自然環境，不要留下垃圾。另外，行山前一定要做足準備，量力而為，注意難道級別，不要獨自一人行山。安全至上，一同享受這城市的美好風景。
回到目錄
芒草季節2024｜1. 大東山：芒草大本營
都不用多介紹，一到秋冬，行山群組每日都有人問點上大東山。無他，一望無際嘅芒草，加上爛頭營的石屋，絕對係香港出色靚景！注意，大東山芒草季每年由10月尾至11月頭才會出現，太早登山，芒草未算盛放。
大東山芒草2024｜行山路線指南 附交通方法／難度／打卡景點
| 大東山睇芒草路線詳情 | |
| 賣點 | 芒草大本營，最茂密盛放！ |
| 路線 | 伯公坳 鳳鳯徑 大東山頂 爛頭營 伯公坳 |
| 距離 | 6公里 |
| 需時 | 2小時（單程上山計） |
| 難度 | 4.5星（5星最難） |
注意：
- 大東山山頂需離開鳳凰徑
- 爛頭營石屋為私人產業，由義工定期維修，絕對不要破壞，不要爬上屋頂！
- 近年媒體每逢介紹大東山，都會被山友譴責，究其原因，無非是因為登山者缺乏應有的責任、不顧登山禮儀的新手破壞並留下垃圾，在此再三呼籲大家登山前要做足準備，自己垃圾自己帶走！
芒草季節2024｜2. 粉嶺鹿頸谷埔：金黃蘆葦海
鹿頸至谷埔行山徑輕鬆易行，難度不高，皆因以平路為主。粉嶺谷埔更是一個芒草季節必去賞芒的好地方，沿路更有蘆葦田、紅樹林等靚景可觀賞。
粉嶺鹿頸至谷埔行山徑 交通美食懶人包：金黃蘆葦田＋在地食材農家菜
芒草季節2024｜3. 馬鞍山昂平：賞草兼有海景
除了大東山之外，馬鞍山昂平亦都係另一個芒草盛開的地方。由馬鞍山郊遊徑入口開始行，指示牌上表示只需要行半個鐘就去到昂平，不過記者實測，慢慢行的話，由入口行到昂平高原，都差唔多要一小時。上到昂平高原之後，就可以眺望西貢，不時有滑翔傘愛好者會選擇於這片草原上飛翔。不過影相影之餘，都要留意住附近的牛牛，因為身處草叢入面，視線被遮擋，大家要小心！
| 馬鞍山昂平睇芒草路線詳情 | |
| 賣點 | 遠望西貢無敵海景，坐足一個下晝都唔悶！ |
| 距離 | 約2公里（單程，以燒烤場起步計） |
| 需時 | 1.5小時（單程上山計） |
| 難度 | 1.5星（5星最難） |
| 前往方法 | 由馬鞍山坐的士到馬鞍山郊遊徑昂平入口，車費約$50；或於馬鞍山新港城中心乘村巴NR84，於總站馬鞍山村落車。 |
芒草季節2024｜4. 飛鵝山：市區勝地
想近一點，則可去飛鵝山，可以坐公共交通工具到飛鵝山道再步行上山，有車人士更可直接駕駛到山頂，相同方便快捷！山上金光閃閃，景致絕不比大東山遜色，可看到獅子山、九龍半島風景，假如天色晴朗，更可清楚看到西貢一帶景色，超靚！不過飛鵝山有不少斜路及懸崖，相對比較危險，大家要小心，注意安全！
| 飛鵝山睇芒草路線詳情 | |
| 賣點 | 市區都可以睇到靚景！ |
| 距離 | 約5公里 |
| 需時 | 3小時 |
| 難度 | 2.5星（5星最難） |
| 前往方法 | 於九龍灣德福花園乘搭1號小巴，至飛鵝山道下車，再沿登山道上山 |
芒草季節2024｜5. 元朗河背水塘：寧靜塘面＋日落黃昏美景
想去郊外呼吸新鮮空氣，但又不辛苦地行山，元朗的河背水塘最適合不過。這裡只需要走一段微斜的石屎路，路亦夠闊，走約半小時就到，沿途還看到柔和芒草，舒服！
於元朗或者錦上路乘搭71小巴，尾站落車就會到河背村。於河背村入口，向前行就對了。穿過村後，一上去就會見到一片芒草。雖然走不進芒草叢中，但只在旁邊望著，配合山丘背景，也是一幅秋冬氣氛濃厚的大自然畫作。
一進水塘，前面就是一條石橋。橋的左邊水面平靜，直到最尾為河背水塘家樂徑，靠近欄杆望著流水，好舒服！
| 元朗河背水塘睇芒草路線詳情 | |
| 賣點 | 只有一段路是斜路，沒有沙石的石屎路，路又夠闊，行半小時就到 |
| 路線 | 由元朗搭小巴＞河背村去河背水塘＞家樂徑 |
| 距離 | 約5公里 |
| 需時 | 1小時（單程上山計） |
| 難度 | 1星（5星最難） |
| 前往方法 | 於元朗或者錦上路搭71小巴，尾站落車就會到河背村。 |
芒草季節2024｜6. 大嶼山老虎頭：日落意景
| 大嶼山老虎頭睇芒草路線詳情 | |
| 賣點 | 位於老虎頭郊遊俓，設備完善。中午過後去，仲有機會見到日落。 |
| 路線 | 愉景灣碼頭 愉景山道 愉景灣水塘 老虎頭郊遊徑 亞婆塱 白芒 東涌 |
| 距離 | 17公里 |
| 需時 | 5小時 |
| 難度 | 3星（5星最難） |
芒草季節2024｜7. 蓮花山：睇日落必去
蓮花山是香港第五高的山峰，於大東山隔離，海拔有766米高，大家可以360度望到整個香港，又望到大東山、二東山同鳳凰山。由東涌出發，可以坐36號大嶼山巴士入白芒村，不過班次非常疏，假日的士站又好多人排隊，所以記者決定行入去！先行去東薈城北門，出咗去向右邊沿文東路一直行，行到喜東街，向右轉會見到中化石油油站，靠右會見到一條好隱蔽的小路，穿過後繼續直行！
初段要上山，都幾難行，需要一定體力。行咗一陣會見到有舊石，又可以行出去影相，一覽第三跑道的風景！開始上蓮花山，會見到愈來愈多芒草，愈近就愈多，即刻站到草中央影張相先！
上到去766米高的山頂，可以360度睇成個香港！起碼可以影一個鐘先走，撞正埋日落時間，望向大東山方向，不得了！
| 蓮花山睇芒草路線詳情 | |
| 賣點 | 蓮花山位於大東山隔離，海拔有766米高，大家可以360度望到整個香港，又望到大東山、二東山同鳳凰山。 |
| 路線 | 白芒村婆髻山 蓮花山 南山 南山營地巴士站 |
| 距離 | 17公里 |
| 需時 | 5小時 |
| 難度 | 3星（5星最難） |
| 前往方法 | 由東涌站坐36號大嶼山巴士／的士／步行至白芒村 |
備註：
- 需一定體力，要食完飯先好出發
- 無補給，一定要帶水貼乾糧
- 落山路段有蛇出沒，要小心讓路
- 預時間落山，冬天6點已經開始入黑
- 帶備電筒，遲咗落山都唔怕
芒草季節2024｜8. 元朗南生圍：水鄉風情
賣點：不要介懷是芒草、蘆葦，或是雜草，總之由元朗鬧市行20分鐘，坐街渡過南生圍，已經係另一個世界。加上無敵大草景，簡直令你煩腦盡消！近來經常有地產要發展南生圍，這裡景色都不知哪時會失守，大家要把握機會！
| 元朗南生圍睇芒草路線詳情 | |
| 路線 | 元朗MTR 蠔州路 渡頭碼頭 南生圍 南生圍路 博愛醫院 元朗MTR |
| 距離 | 7.5公里 |
| 需時 | 2小時 |
| 難度 | 1星（5星最難） |
芒草季節2024｜9. 東洋山：新手路線
東洋山位於西貢區，東洋山高533米，每年到11月都是芒草季節，整個山頭就會開滿芒草，場面壯觀又美麗。簡易版的路線會由飛鵝道的馬路出發，上山沿途的景色比另外一條在井欄樹起步中級難度行山路線較為遜色一點，不過如果你只是為看芒草而行，上到山頂一樣有美麗定芒草影相。
東洋山芒草2024｜ 新手都行到＋山頂看西貢風景 ！即睇行山路線/交通！
| 東洋山睇芒草路線詳情 | |
| 路線 | 飛鵝山道＞百花林＞東洋山＞飛鵝山道 |
| 距離 | 6.8公里 |
| 需時 | 3-4小時 |
| 難度 | 1星（5星最難） |
觀賞芒草的最佳時間是？
近年香港流行觀賞芒草，每年秋季都是芒草旺季效…最佳觀賞時間是……
有沒有簡易睇芒草的行山路線？
今次推介的9條睇芒草的行山路線，每條都列明難度…最簡單的一條是……
