網民盤點香港6個最奇怪設計商場 呢間最多人揀！又一城超亂／圓方似迷宮
廣告
香港地商場咁多個，但就未必每個商場都一樣咁好行！網民最近在香港討論區發文討論，發問到底「邊個商場設計最奇怪？」，並表示自己覺得又一城最奇怪，啲樓層睇到頭暈，「點解G上面唔係L 1而係UG？」不少網民都有同樣疑惑，仲票選了6間奇怪設計商場，一齊睇吓你心目中的商場有無上榜！
網民大數全港6個設計最奇怪商場 最多人揀呢間！
又一城層數超級亂／海之戀＋圓方似迷宮
最近網民在香港討論區上發文，討論香港「邊個商場設計最奇怪？」，樓主更隨即表示自己認為「最奇怪係又一城」，原因是「啲樓層睇到我暈，點解G上面唔係L1而係UG？英文字仲多過數字，想去個1樓都要坐幾次扶手電梯。」再加上場內8字形的設計，每上一層都要兜一大個圈先去到下一條扶手電梯。
該帖文總共引來逾10版的討論，不少網民都認同又一城的設計最奇怪，而最最最令人不解的是層數的寫法，引來不少的混亂，皆因網民表示UG通常是指”Under Ground”，而又一城的UG層設在G層以上，即指”Upper Ground”。
網民在帖文也提出了多間自己心目中設計奇怪的商場，經編輯初步計算，以下7間商場的出現機率最多，除了又一城以外，其他6間分別為：朗豪坊、Megabox、圓方、海之戀、K11 Musea及iSQUARE。
網民評論懶人包：
朗豪坊（第2名最多人揀）：面積不大又起得太高、上落不方便、勁多短樓梯，三尖八角好難行。
Megabox：面積大但舖又唔多，停車場要兜到上15樓，轉到頭暈！
圓方：個場太大，加上用金、木、水、火、土分區，地圖又用不同顏色分區，睇完指示都唔知想去嘅地方喺邊⋯⋯
海之戀：路難搵，想走都走唔到，出口都搵唔到、商場好長但一層得一部電梯，仲要喺頭頭尾尾！
iSQUARE：間隔古古怪怪，每層都相差好大，一啲都唔好行。
原文連結：按此
網民認為邊個商場設計最奇怪？
網民認為最奇怪的是又一城，其次是…詳情
網民盤點了哪6個商場？
包括第一城、圓方、海之戀…詳情
圖片來源：新假期編輯部、香港討論區、Megabox、圓方、
