熊貓展覽香港懶人包！12月7開幕 4大地點免費打卡 附地點+時間
廣告
熊貓展覽香港懶人包｜「PANDA GO！香港遊」係全港史上最大型嘅熊貓展覽，將於12月起，輪流喺香港4個熱門景點展出，包括星光大道、昂坪360、海洋公園、中山公園！展覽特色係多達2,500隻可愛嘅大熊貓雕塑，仲有6款專為香港設計嘅獨家角色。呢場活動唔單止適合一家大細，仲係影相打卡嘅必去之地！鍾意打卡影靚相？快啲嚟睇呢篇詳細熊貓展懶人包，留意展出地點、日期、時間，幫你搵到最適合去打卡嘅地方！
熊貓展覽香港懶人包目錄
熊貓展覽香港懶人包｜展出地點+日期時間+交通
熊貓展覽會喺4個人氣爆燈嘅景點輪流舉行，快啲Bookmark以下日期同地點：
熊貓展覽香港第1站：星光大道
展出日期：12月7至8日
交通：鄰近尖沙咀地鐵站，步行約5分鐘即到。
熊貓展覽香港第2站：昂坪360
展出日期：12月14至15日
交通：搭港鐵到東涌站，轉乘昂坪纜車直達。
熊貓展覽香港第3站：海洋公園
展出日期：12月21至22日
交通：搭港鐵到海洋公園站，步行約5分鐘。
熊貓展覽香港第4站：中山公園
展出日期：12月25至26日
交通：港鐵西營盤站A2 德輔道西出口步行約10分鐘。
熊貓展覽香港懶人包｜展覽亮點：香港限定熊貓角色
你知唔知？「PANDA GO！香港遊」除咗展示大量大熊貓雕塑之外，仲特別設計咗6款香港限定角色，包括盈盈、樂樂同新成員可可、安安，以及龍鳳胎「家姐」同「細佬」。呢啲角色都係參考佢哋嘅獨特外型同性格，加入咗好多本地特色，好有創意！
熊貓展覽香港仲邀請咗多位名人設計限量版熊貓雕塑，包括國際音樂人Pharrell Williams、著名導演黃渤同本地藝術家龍家昇，作品將用作慈善拍賣，幫助更多有需要嘅人。
回到目錄
熊貓展覽香港懶人包｜打卡攻略
嚟到咁靚嘅地方，點可以唔影靚相？以下係我私藏嘅打卡Tips：
- 選擇好嘅光線：建議早上或黃昏影相，光線柔和自然。
- 運用前景：例如用熊貓雕塑或者景點作前景，令相片更有層次感。
- 試吓唔同角度：例如由低角度影大熊貓，令佢哋更有氣勢！
熊貓展覽香港懶人包｜交通及注意事項
去睇熊貓展覽香港之前，記得Check清楚交通安排同活動詳情。以下係小貼士幫你Plan旅程：
- 交通安排：所有展覽地點都非常方便，可以搭地鐵、巴士甚至步行到達。
- 早啲到場：避免人流高峰期，建議提早半小時到場，享受最佳觀賞體驗。
- 帶備物品：記得帶相機、充電寶同水樽，輕鬆影相又保持體力！
熊貓展覽橫跨聖誕節，仲有啲咩打卡、食聖誕大餐嘅好地方？即睇其他聖誕內容：
海港城10米高聖誕帽樹 日本藝術家設計 28米長巨大化聖誕裝置
利東街8米聖誕樹亮燈 聯乘比利時設計團隊 夢幻飄雪/巨型花環
西九聖誕樹2024｜逾萬呎聖誕小鎮+20米聖誕樹開幕 附交通+打卡位
聖誕自助餐2024早鳥優惠！13大聖誕大餐！歎聖誕火雞+威靈頓牛柳+聖誕樹頭蛋糕
熊貓展覽香港展覽日期係幾時?
熊貓展覽香港展覽日期由2024年12月7至26日，在不同地點輪流展出。
熊貓展覽香港在那裡展出？
熊貓展覽香港在星光大道、昂坪360、海洋公園、中山公園輪流展出。
關鍵詞
香港好去處
圖片來源：[email protected]
